SÝRETShILER JEMQORLYQQA QARSY

Astanada “Nur Otan” HDP men “Elektrondyq kommersııa ortaly­­ǵy” JShS-nyń uıymdastyrýymen “Seniń jemqorlyqqa qarsylyǵyń óte mańyzdy!” atty aqparattyq-na­sıhattyq aksııa aıasynda qazaq­stan­dyq sýretshiler jumystarynyń kórmesi ótti. Sybaılas jemqorlyq taqyrybyna arnalǵan 30-dan astam sýretter men plakattar elimizdiń túrli memlekettik organdarynda estafeta boıynsha tapsyrylýda. Qazaqstanda sybaılas jemqor­lyqpen kúres memlekettik saıasattyń negizindegi basymdyqtardyń biri bolyp tabylady. Osyǵan baıla­nys­ty “Nur Otan” HDP men Ekono­mı­kalyq qylmysqa jáne sybaılas jemqorlyqqa qarsy kúres agenttigi jyl basynan beri “Seniń jemqor­lyqqa qarsylyǵyń óte mańyzdy!” aqparattyq-nasıhattyq aksııasyn júrgizýde. Atalmysh sharanyń maqsaty – sybaılas jemqorlyqpen kúreske azamattyq qoǵamnyń ınstıtýttaryn tartý, otandastarymyzdyń sybaılas jemqorlyqqa qarsy kózqarastaryn qalyptastyrý. 2008 jylǵy qarashada “Nur Otan” HDP-nyń sybaılas jemqor­lyq­qa qarsy forýmynda Prezıdent Nursultan Nazarbaev Úkimet aldyna tapsyrma qoıǵany belgili. Onda Elbasy: “Elektrondyq Úkimettiń jáne zamanaýı tehnologııalardyń múmkindikterin basqarýda molynan paıdalanǵan jón. Qurylyp jatqan elektrondyq Úkimettiń basty mindeti – bul memlekettik qyzmetter kórse­tý kezinde sheneýnikterdiń azamat­tar­men jeke qatynasqa túsýin barynsha boldyrmaý”, – dep atap ótti. Memlekettik satyp alýdy elimiz­degi sybaılas jemqorlyq deńgeıin­degi basty ındıkatorlardyń biri dep ataýǵa bolady. Osyǵan baılanysty Prezıdent Nursultan Nazarbaevtyń Jarlyǵymen bıýdjettik qarjyny jumsaýdyń móldirlik jáne tıimdilik prınsıpterinde elektrondyq mem­lekettik satyp alýǵa josparly túrde ótý bekitildi. Al “Elektrondyq kommersııa ortalyǵy” JShS osy máselege baı­lanysty “bir tereze” prınsıpi boı­yn­sha memlekettik satyp alýdy orta­lyqtandyrýdy jáne júzege asyrýdy qamtamasyz etetin EMS sala­syn­daǵy biryńǵaı operator bola oty­ryp, “elektrondyq memlekettik satyp alý” avtomattandyrylǵan aq­pa­rattyq júıesin ázirledi jáne engizdi. Qazirgi kezde Elektrondyq mem­lekettik satyp alýdy uıymdastyrý e-úkimetiniń negizgi qyzmetteri bolyp tabylady jáne elektrondyq mem­leket jolyna ilgerileý kórsetkishi qyzmetin atqarady. О́tkiziletin konkýrs jáne olardyń ınternettegi nátıjeleri týraly jetkilikti aqparat árbir azamat úshin osy qyzmet alańyn ashyq etti. Búginde elektrondyq memlekettik satyp alý portalynda shamamen 70 500 qatysýshy, sonyń ishinde 20 000 artyq tapsyrys berýshi jáne 40 000 artyq áleýetti ónim berýshi tirkelgen. Elektrondyq saýda alańynda barlyǵy 2,5 mln.-nan artyq lot jarııalandy. Baǵa usynystary suratý tási­limen EMS qorytyndylary boı­yn­sha 363 077 lot boıynsha 40 mlrd.  teńge bıýdjette josparlanǵan soma­synda 31 mlrd. teńge jalpy somaǵa sharttar jasaldy. Sáıkesinshe, jasalǵan sharttar boıynsha baǵa usynystaryn suratý tásilimen EMS boıynsha orta jıyntyq shartty únem 9 mlrd. teńgeni nemese 22,5 paıyzdy qurady. Qarjy mınıstrliginiń tapsyr­ma­sy boıynsha “Elektrondyq kommer­sııa ortalyǵy” JShS osy vedom­stvo­nyń qurylymdyq bólim­shele­rinde konkýrs tásilimen elek­trondyq memlekettik satyp alýdy ótkizý modýlin ázirledi jáne “ser­pindi” tájirıbe retinde paıda­lanymǵa engizdi. “Elektrondyq konkýrs” modýli baǵa usynystaryn suratý ádisimen qatar, Qazaqstanda eń kóp tara­tylǵan memlekettik satyp alýdy engizý tásilin qamtýǵa múmkindik beredi jáne júıe paıdalanýshylary úshin jańa múmkindikter ashady. Sondaı-aq bir ýaqytta elektrondyq memlekettik satyp alý aqparattyq júıesiniń sáıkes memlekettik or­gan­dardyń aqparattyq qorlarymen yqpaldasýyn júzege asyrady. Dastan KENJALIN.