Narynym – qazaǵymnyń bir bólshegi

Álemmen aralasyp emen-jarqyn, Minekı, shaqqa jettik jurt tanıtyn. Qol jetken táýelsizdik arqasynda, Halqymyz eske alýda túp tarıhyn.   Tarıhtan Narynda da qalǵan iz bar, Mekeni arýaqty er, batyr qyzdar. Aqjúnis, kúıshi Dına, Mánshúk, Hıýaz, Kógimde jarqyraǵan sham juldyzdar.   О́tkendi aıta bersem, ol bir dastan, Er Tarǵyn kelgen jaýmen jaǵalasqan. Elime bilim nárin sebemin dep, Han Jáńgir Ordada alǵash mektep ashqan.   Jerimdi qoımaımyn dep berip qoldan, Isataı, Mahambetter atqa qonǵan. Daýylpaz kúıin tógip Qurmanǵazy, Sol kezden táýelsizdik bolǵan arman.   Tar kezde bastaımyn dep eldi óksitpeı, Er shyqqan Seıitqalı Mendeshevteı. Taıyr, Qaırat, Farıza – halyq úni Ǵalym Asan Taımanov ol – biregeı.   Kótergen Jáńgir týyn – bilim týyn, Aǵam Myrzash túsedi eske búgin. Jánibekte talaı jastyń oqýyna, Jol ashqan saıasattan taýyp jigin.   Narynym – qazaǵymnyń bir bólshegi, El boldyq búgin mine, biz eńseli. Tarıhyn zerdelegen Qazaqstan, Bolashaq bıginen kórem seni.   Haırolla ISMAǴULOV, kásipker.  Batys Qazaqstan oblysy.