Reseıdiń eks-depýtatyna ınterpol arqyly izdeý jarııalandy

ALMATY. 2 shilde. Reseı Federasııasy Memlekettik Dýmasynyń eks-depýtaty Valerıı Panovqa Interpol arqyly halyqaralyq izdeý jarııalandy. Bul týraly Interfaks habarlady. Halyq qalaýlysyna qyzmet babyn asyra paıdalanǵan degen aıyp taǵylyp otyr. Panovtyń túrmedegi burynǵy polısııa qyzmetkerleriniń agenti bolǵany ári polısııa qyzmetkerlerimen birge qylmystyq arandatý is-qımyldaryna qatysqany aıǵaqtaldy. Reseı Federasııasy ishki ister mınıstrliginiń basqarma bastyǵy Denıs Sýgrobov qylmysty top quryp, onyń quramyna basqarmanyń bes ofıserin tartqan. Olar qyzmet babyn asyra paıdalanyp, arandatý áreketteri arqyly zardap shegýshilerden jappaı para alǵan. Polısııadaǵy uıymdasqan qylmysty topqa Memdýmanyń depýtaty Valerıı Panov bas-kóz bolyp júrgen eken. Izin jasyrǵan eks-depýtattyń sýretteri Interpoldyń resmı saıtynda jarııalandy. Talǵat Súıinbaı. Derek, sýret: Interfaks.