ASTANA. 26 tamyz. Elimizde osydan alty jyl buryn bastalyp, qazirgi kezde dástúrge aınalǵan Qazaqstan boks federasııasynyń kýbogy jalǵasyp jatyr. Jaqynda A jáne S dıvızıonyndaǵy shırek fınaldyq jekpe-jekter aıaqtaldy. Bul týraly egemen.kz tilshisi habarlady.
A tobynda birinshi oryndy Ońtústik Qazaqstan oblysynyń komandasy aldy. Osy topta ekinshi orynǵa Atyraý, úshinshi orynǵa Jambyl oblysynyń boksshylary ıe boldy. Tórtinshi orynda Soltústik Qazaqstan komandasy qaldy.
S tobynda birinshi oryndy Almaty oblysynyń bylǵary qolǵap sheberleri ıelendi. Odan keıingi oryndarǵa Qaraǵandy, Pavlodar jáne Qostanaı oblystarynyń boksshylary jaıǵasty. Sóıtip, jartylaı fınalǵa Ońtústik Qazaqstan men Almaty oblysynyń komandalary shyqty.
Endi erteń, 27 tamyz kúni Astana men Aqtaý qalasynda V jáne D toptaryndaǵy shırek fınaldyq kezdesýler ótedi. Osy jekpe-jekte jeńgender Ońtústik Qazaqstan men Almaty oblysynyń komandalarymen 14 men 15 jeltoqsan kúnderi jartylaı fınalda kezdesedi. Bul syn Táýelsizdik kúni qarsańynda Astanada ótedi.
Fınalda jeńgen komanda Qazaqstan boks federasııasynyń kýbogymen birge 25 mıllıon teńge kóleminde syıaqy alady. Esterińizge sala ketsek, atalǵan týrnır Boks federasııasynyń prezıdenti Tımýr Qulybaevtyń bastamasymen 2010 jyldan beri ótkizilip keledi. Sol jyly Astana qalasynyń boksshylary týrnırdi jeńip, kýboktyń alǵashqy ıegeri atandy. Odan keıin Qaraǵandy oblysynyń komandasy jeńimpaz atansa, 2012 jyly Mańǵystaý oblysynyń bylǵary qolǵap sheberleri eshkimge des bermedi. 2013 jyly taǵy da Astana qalasynyń boksshylary kýbokty tóbesine kóterdi. Al byltyr Jambyl oblysynyń boks mektebi óziniń myqtylyǵyn kórsetti.
Dastan Kenjalın.
Derek, sýret: Qazaqstan boks federasııasy.
