Qazaqstan men Reseı ishki ister mınıstrlikteriniń otyrysy ótti

ASTANA. 24-25 tamyz kúnderi Reseıdiń Astrahan qalasynda Qazaqstan Respýblıkasy men Reseı Federasııasy Ishki ister mınıstrlikteriniń alǵashqy alqa otyrysy ótti. Bul týraly egemen.kz tilshisi habarlady. Alqa jumysyna eki memlekettiń ishki ister mınıstrleri, birlesken alqa otyrysynyń músheleri, Qazaqstan jáne Reseı IIM qyzmet bastyqtary, Uıymdasqan qylmysqa jáne ózge de qaýipti qylmys túrlerine qarsy kúresti úılestirý bıýrosynyń dırektory, Qazaqstan Respýblıkasynan UQKÚB ókili, jekelegen óńirlerdiń IID bastyqtary, sondaı-aq, Astrahan oblysynyń gýbernatory qatysty. Otyrys barysynda Qazaqstan men Reseıdiń shekaras óńirleriniń yntymaqtastyǵy, eki memlekettiń ishki ister mınıstrlikteriniń qylmysty aldyn ala tergeý kezinde ózara is-qımyl jasasýdy jetildirý máseleleri talqylandy. Sonymen qatar, birlesken alqa otyrysynyń 2016 jylǵa arnalǵan jospary bekitildi. Delegasııa basshylary qylmysqa qarsy kúreste barlyq baǵyttar boıynsha ishki ister organdarynyń ózara is-qımylynyń mańyzdylyǵy men qajettiligin atap ótti. Qaralǵan máseleler boıynsha Qazaqstannyń jáne Reseıdiń Ishki ister mınıstrleriniń buıryqtarymen bekitilgen tıisti sheshimder qabyldandy. Birlesken alqa otyrysynyń kelesi otyrysy Qazaqstanda ótetin bolady. Dastan Kenjalın. Derek, sýret: Qazaqstan Respýblıkasy Ishki ister mınıstrligi.