Qazaqstan Respýblıkasy Bilim jáne ǵylym mınıstrliginiń buıryǵy  №434

2015 jylǵy 2 shilde, Astana qalasy «Jalpy bilim beretin pánder boıynsha respýblıkalyq jáne halyqaralyq olımpıadalar men ǵylymı jobalar konkýrstarynyń (ǵylymı jarystardyń), oryndaýshylar konkýrstarynyń, kásibı sheberlik konkýrstarynyń jáne sporttyq jarystardyń tizbesin bekitý týraly» Qazaqstan Respýblıkasy Bilim jáne ǵylym Mınıstriniń 2011 jylǵy 7 jeltoqsandaǵy № 514 buıryǵyna ózgerister engizý týraly buıyramyn: 1. «Jalpy bilim beretin pánder boıynsha respýblıkalyq jáne halyqaralyq olımpıadalar men ǵylymı jobalar konkýrstarynyń (ǵylymı jarystardyń), oryndaýshylar konkýrstarynyń, kásibı sheberlik konkýrstarynyń jáne sporttyq jarystardyń tizbesin bekitý týraly» Qazaqstan Respýblıkasy Bilim jáne ǵylym Mınıstriniń 2011 jylǵy 7 jeltoqsandaǵy № 514 buıryǵyna (Normatıvtik-quqyqtyq aktilerdi memlekettik tirkeý tiziliminde № 7355 tirkelgen, «Egemen Qazaqstan» gazetiniń 2012 jylǵy 21 sáýirdegi № 172-177 (27251) sanynda jarııalanǵan) mynadaı ózgerister engizilsin: kórsetilgen buıryqpen bekitilgen Jalpy bilim beretin pánder boıynsha respýblıkalyq jáne halyqaralyq olımpıadalar men ǵylymı jobalar konkýrstarynyń (ǵylymı jarystardyń), oryndaýshylar konkýrstarynyń, kásibı sheberlik konkýrstarynyń jáne sporttyq jarystardyń tizbesinde: «2. Jalpy bilim beretin pánder boıynsha halyqaralyq ǵylymı jobalar konkýrstary (ǵylymı jarystary):» degen bólimde: 2) tarmaqsha mynadaı redaksııada jazylsyn: «2) Kompıýterlik jobalar boıynsha halyqaralyq jarystar «INFOMATRIX - ASIA»);»; 10) tarmaqsha alynyp tastalsyn. 2. Mektepke deıingi jáne orta bilim, aqparattyq tehnologııalar departamenti (J.A. Jontaeva) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) Qazaqstan Respýblıkasy Ádilet mınıstrliginde memlekettik tirkeýden ótken soń osy buıryqty resmı jarııalaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri E.N. Imanǵalıevqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi jáne 2013 jylǵy qańtar men 2015 jylǵy maýsym aralyǵyndaǵy kezeńde jalpy bilim beretin pánder boıynsha halyqaralyq olımpıadalar men ǵylymı jobalar konkýrstaryna (ǵylymı jarystarǵa) qatysqan oqýshylarǵa qoldanylmaıdy. Qazaqstan Respýblıkasynyń Bilim jáne ǵylym mınıstri A.SÁRINJIPOV. Buıryq Qazaqstan Respýblıkasynyń Ádilet mınıstrliginde 2015 jylǵy 3 tamyzda Normatıvtik quqyqtyq kesimderdi memlekettik tirkeýdiń tizilimine №11820 bolyp engizildi.