Alqa májilisi

Onda birinshi jartyjyldyqtyń qorytyndysy shyǵaryldy Qazaqstan Respýblıkasynyń Qorǵanys mınıstrliginde alqa májilisi ótti. Onda el armııasynyń jaýyngerlik ázirliginiń ózekti máseleleri qaralyp, 2015 jylǵy birinshi jartyjyldyqtyń jumys qorytyndysy shyǵaryldy. Alqa májilisine mınıstrlik basshylyǵy, departament jáne basqarma basshylary, ásker túr­leriniń bas qolbasshylary, ásker tekteri, óńirlik qolbasshylyq ás­ker­leriniń qolbasshylary, áskerı oqý oryndary, qorǵanys isteri jó­nindegi departamentterdiń bas­tyq­tary, serjanttar quramy qatysty. Is-shara barysynda Qarýly Kúshterdiń sapalyq jaı-kúıimen baılanysty máseleler, onyń ishinde áskerlerdiń jaýyngerlik ázirligi, Qazaqstan Qarýly Kúsh­terindegi áskerı tártip pen quqyq­tyq tártip, ony jaqsartý jónindegi tapsyrmalar talqylandy. «Elbasy – Joǵarǵy Bas qol­basshynyń erekshe qoldaýy jáne memlekettiń qorǵanys qabilettiligi máselelerine udaıy nazar aýda­rýy­nyń arqasynda armııanyń jalpy jaı-kúıi jetkilikti jaqsy deń­geı­de», – dedi alqa májilisinde Qor­­ǵanys mınıstri Imanǵalı Tasmaǵambetov. Sonymen, Joǵarǵy Bas qol­basshynyń tapsyrmasy boıyn­sha 2014 jylǵy qazan men 2015 jyl­ǵy shilde aralyǵynda bar­lyq ásker túrleri men óńirlik qol­basshylyqtarda shamamen 70 kenet­ten tekserý iske asyryldy. Onyń ishinde: 52 tekserý Qurlyq ásker­­lerinde, 11 – Áýe qorǵanysy kúsh­te­ri ara­synda jáne 3 – Áskerı-teńiz kúsh­terinde. Osynaý is-shara­lardyń, son­daı-aq, josparly tek­seris­terdiń basty maqsaty – kez kelgen jaǵ­daıda áskerlerdiń jaýyn­ger­lik qabi­lettilik deńgeıin arttyrý. Bul oraıda Qarýly Kúshterdiń bólimderi men bólimsheleriniń shynaıy jaýyngerlik ázirligin tekserýdiń pármendi tetigi kenetten tekserý bolyp tabylady. Osyǵan baılanysty, qorǵanys vedomstvosynyń basshysy I.Tas­maǵambetovtiń qatysýymen ártúrli óńirlerde túngi ýaqyt­ta ót­kizilgen 5 tekseristi júze­ge asyrý boıynsha jumys uıym­dastyryldy. Shetel áskerı sarapshylarynyń pikirinshe, UQShU, ShYU halyq­aralyq uıymdarynda, sondaı-aq, «Beıbitshilik jolyn­daǵy se­rik­testik» NATO-nyń baǵ­dar­la­ma­larynda yntymaqtastyq jasaý­da Qazaqstan áskerıleri mańyzdy júıeli róldi iske asyrady. Áskerı qyzmetshiler ózde­riniń joǵary jaýyngerlik ázirlik deńgeıin «Dala qyrany – 2015», «Altyn úki», «Jaýyngerlik dostastyq – 2015», UQShU-nyń UJDK, TMD-nyń armııalyq oıyndary sekildi is-sharalarǵa qatysyp, joǵary nátıje kórsetýi osyny rastaıdy. Elimizdiń barlyq oqý oryndarynda áskerı-patrıottyq ju­mys belsendi júrgizilýde. Al birin­shi jartyjyldyq ishinde ǵana Áýe qorǵanysy kúshteriniń avıa­sııalyq parki 4++ úlgidegi SÝ-30SM tórt jańa úlken manevrli joı­ǵyshtarmen jańartyldy. Bul eldiń áýe shepteriniń qorǵa­ny­syn anaǵurlym arttyrady. Aǵym­daǵy jyly Memleket bas­shysynyń qoldaýymen úsh jyldyq memlekettik qorǵanys tapsyrysyn oryndaý boıynsha qanatqaqty joba iske asyrylady. Onyń biryńǵaı oryndaýshysy «Qazaqstan ınjınırıng» bolyp tabylady. Alqa qorytyndysy boıynsha aldaǵy jumystyń baǵyttary aı­qyndalyp, birqatar tıisti tapsyr­malar berildi. Budan ózge, májilis qatysýshylary atal­ǵan tetikterdiń qorǵanys vedom­stvosynyń jumy­syn jańa sapaly deńgeıge shyǵarýǵa múmkindik beretini týraly oı-pikirlerin bildirdi. «Egemen-aqparat».