Qyzylorda oblysy býferlik aımaqtan shyǵady

QYZYLORDA. 15 qazan. Qyzylorda oblysy býferlik aımaqtan shyǵýǵa tolyq daıyn. Oblys ákiminiń orynbasary Serik Qojanııazov jýrnalısterge arnap ótkizgen baspasóz máslıhatynda osylaı málimdedi. Bul týraly egemen.kz habarlady. Reseı Federasııasy men Qazaqstan Respýblıkasynyń veterınarlyq qyzmetteriniń 2011 jylǵy 11 naýryzdaǵy sheshimine sáıkes aýsyl indetine qolaısyz О́zbekstan, Qyrǵyzstan, Qytaı memleketterine kórshiles Qazaqstannyń 5 oblysy býferlik aımaqqa jatqyzylyp, bul oblystardan elimizdiń basqa aımaqtary men Keden odaǵyna múshe memleketterge aýsylǵa beıim aýyl sharýashylyǵy janýarlary men olardyń shıki et ónimderin shyǵarýǵa tyıym salynǵan bolatyn. Sodan beri oblys aýmaǵyn býferlik aımaqtan shyǵarý maqsatynda birqatar jumystar atqaryldy. Bıylǵy jyldyń ózinde aýsyl indeti boıynsha bekitilgen josparǵa sáıkes, 480 bas maldyń qan quramyna laborotorııalyq zertteýler júrgizilip, qýantarlyq nátıje kórsetti. Sondaı-aq, qazan aıynyń 8-11 aralyǵynda Halyqaralyq Epızootııalyq Bıýrosynyń bas dırektory Bernard Vall Astana qalasyna issaparmen kelip, Premer-mınıstr Kárim Másimovpen jáne Aýyl sharýashylyq mınıstri Asyljan Mamytbekovpen kezdesýi barysynda býferlik aımaqtaǵy 5 oblysqa vaksına qoldanylatyn aýsyldan taza aımaq statýsyn berý maqsatynda atqarylyp jatqan jumystarǵa toqtalǵan bolatyn. Ǵylymı keńestiń oń sheshimi 2015 jylǵy 6 qarashada Almaty qalasynda ótetin III Halyqaralyq veterınarlyq kongressinde alynady dep kútilýde. Sodan keıin baryp 2016 jyldyń mamyr aıynda Parıj qalasynda ótetin HEB 84-Assambleıa delegattarynyń qaraýyna usynylmaq. Qyzylorda oblysynyń etti eksporttaýǵa áleýeti jetkilikti. Bul baǵytta jasalyp jatqan jumystar aýqymdy. Máselen, qazirgi tańda oblysta 2 200 basty bordaqylaýǵa arnalǵan 18 alań bar. Sondaı-aq, Syrdarııa aýdanynda 3 myń basqa jáne Qazaly aýdanynda 500 basqa arnalǵan mal bordaqylaý alańy salynyp jatyr. Keler jyly Jalaǵash aýdanynda 3 myń basqa arnalǵan bordaqylaý alańynyń qurylysy bastalatyn bolady. Erjan Baıtiles. Derek: egemen.kz. Sýret: syrboyi.kz.