Otbasynda janjal týdyratyn atyraýlyqtar esepke alyndy

ATYRAÝ. 10 naýryz. Atyraý oblysynyń ishki ister organdary otbasynda turmystyq janjaldar týdyryp, quqyq buzýshylarǵa qarsy «Turmys» jedel aldyn alý sharasyn ótkizdi. Bul týraly egemen.kz tilshisi habarlady. Atyraýda 2 naýryzda bastaý alǵan atalmysh shara barysynda ýchaskelik polısııa ınspektorlary aldymen óz otbasynyń tynyshyn ketirip, túrli quqyq buzýshylyqtar jasaýǵa beıimder adamdardy anyqtaýǵa basa kóńil bóldi. Oblystyq ishki ister departamentiniń baspasóz hatshysy Gúlnazıra Muhtarovanyń aıtýynsha, ýchaskelik polısııa ınspektorlary otbasylarynda túrli quqyq buzýshylyq jasaǵan 30-ǵa jýyq adamdy anyqtap, ákimshilik jaýapkershilikke tartty. Sonymen birge, osy kezge deıin polıseılerdiń arnaıy esebine alynǵandardyń 1 000-nan astamy turaqty meken-jaılary boıynsha tekserilip, olarmen profılaktıkalyq jumystar júrgizildi. Shara barasynda 63 jastaǵy azamatsha úshinshi múshelge endi tolǵan ulynyń ishimdikke toıyp alyp, aıqaı-shý shyǵaratynyna shaǵymdanǵan. Taǵy bir derekke toqtalar bolsaq, 36 jastaǵy kelinshek kúıeýiniń ústinen polısııaǵa shaǵym túsirgen. Osy shaǵymdy teksergen polıseıler 45 jasar kúıeýiniń ishimdik iship, otbasynyń berekesin qashyratyny anyqtaldy. Bul azamattyń áreketi Ákimshilik quqyq buzýshylyq týraly Kodekstiń 73-babymen ákimshilik hattamanyń toltyrylýyna birden-bir sebep boldy. Jalpy, atalǵan jedel aldyn alý sharasynyń nátıjesinde ishki ister organdarynyń esebine otbasylyq kıkiljińdi týdyrǵan 50-den astam adam alyndy. Joldasbek Shópeǵul. Derek: Atyraý oblystyq ishki ister departamenti. Sýret: otyrar.kz.