Reformalardyń tabysty júzege asyrylýy – árbir qazaqstandyqtyń naqty is-áreketine baılanysty

Memleket basshysynyń atyna eldiń barlyq óńirinen Qazaqstannyń budan arǵy qoǵamdyq-saıası, áleýmettik jáne ekonomıkalyq damý úderisinde basshylyqqa alynar negizgi qujatqa aınalýy tıis Ult josparyna biraýyzdan qoldaý bildirgen kóptegen hattar kelip tústi, dep habarlady Prezıdenttiń baspasóz qyzmeti. Atap aıtqanda, Astana qala­synyń etnomádenı jáne qoǵamdyq birlestikteri «100 naqty qadam» josparynyń tıimdi júzege asyrylatynyna senim bildirgen jáne bul shara halyqtyń turmys deńgeıin kóterip, eldiń ári qaraı damýyna jaǵdaı týǵyzatynyn aıtqan. «Biz ony Qazaqstan úshin ońtaıly baǵdarlama dep oılaımyz, óıtkeni ol qoǵamdyq-saıası jáne ekonomıkalyq qyzmettiń barlyq qyryn qamtyp, elimizdi jańa bıikterge jetkizedi», – dep jazady avtorlar. Memleket basshysynyń tań­daǵan damý baǵdaryna ardagerler, qoǵamdyq birlestikter men mádenı ortalyqtardyń músheleri, sondaı-aq Almaty, Taldyqorǵan, Qapshaǵaı qalalarynyń jáne Almaty oblysynyń birqatar aýdandarynyń turǵyndary qoldaý bildirgen. Olar «bes ınstıtýttyq reformany júzege asyrý jónindegi Ult jospary – 100 naqty qadam» eldiń múmkindikterinen týyndaıtynyn jáne naqty aıqyndalǵan maqsattarǵa baǵyttalǵanyn, al bul maqsattarǵa júıeli qol jetkizý Qazaqstandy álemniń barynsha damyǵan 30 memleketiniń qataryna qosatynyn atap kórsetken. «Ahyska» túrik etnomádenı birlestiginiń Almaty oblystyq fılıalynyń tóraǵasy Sh.Asıev elde ázirlengen baǵdarlamalyq qujattar qoıylǵan mindetterdi naqty sheshý joldaryn kórsetetinin atap ótken. «Qazaqstannyń damýyn álemniń barlyq elderi kórip, tánti bolǵandaryn jetkizýde. Prezıdent ishki jáne syrtqy saıa­satty durys júrgize otyryp, álemniń barlyq memleketterimen qarym-qatynasty jolǵa qoıa bildi. Barshaǵa arnalǵan zamanaýı memleket qurý – strategııalyq jos­par. Memleket basshysy usynǵan «100 naqty qadam» júıeli júzege asyrylatyn jáne eldi gúldenýge jetkizetin  naqty is-qımylǵa shaqyrady», – delingen hatta. Qoldaý bildirgen hattar Atyraý oblysynyń etnomádenı birlestikteri ókilderinen de keldi. «Iverııa» grýzın etnomádenı birlestiginiń jetekshisi Z.Bo­bohıdze Qazaqstan halqy Assambleıasynyń qoǵamdy eldiń básekelestik qabiletin arttyrý jáne álemniń barynsha damyǵan memleketteriniń qataryna qosylý jónindegi ortaq maqsat jolynda birikken birtutas halyqqa uıystyrýdaǵy mańyzdy róline nazar aýdarǵan. «Qazaqstannyń halyqaralyq arenadaǵy orny barǵan saıyn nyǵaıyp keledi. Búkil álem elimizdiń damý jolynyń artyqshylyǵyn moıyndady», – dep atap ótilgen hatta. Jambyl oblysynyń joǵary oqý oryndarynyń stýdentteri, qoǵamdyq jáne etnomádenı birlestikteriniń ókilderi, buq­aralyq aqparat quraldarynyń qyzmetkerleri de Ult josparyn qoldap hat jazdy. Olar Qazaqstannyń barlyq syn-qaterlerdi abyroımen eńserip qana qoımaı, damýdyń jańa deńgeıine shyǵatynyna senimdi ekenderin aıtqan. Jambyldyq «Manas Ata» etnomádenı birlestiginiń tóraǵasy M.Namazalıeva Qazaqstan hal­qynyń ozyq qundylyqtaryn – jigerlilikti, eńbekqorlyqty jáne maqsatkerlikti nyǵaıtýdyń mańyzdylyǵyna nazar aýdarǵan. «Qazaqstandyq birtektilik eldiń tarıhı damý úderisi barysynda qalyptasady. Ortaq maqsattar, memleketimizdi gúldendirýge baǵyttalǵan umtylys pen jumys bizdiń jerimizdegi tatýlyqty, saıası jáne ekonomıkalyq turaqtylyqty qamtamasyz etetin negizgi tetikterge aınalady», – delingen hatta. Kóptegen hat legi Qaraǵandy oblysynan keldi. Aıtalyq, Qaraǵandy memlekettik medısına ýnıversıtetiniń stýdenti A.Ten Ult jospary ilgerishil jas­tar úshin aıqyn baǵdar ekenine toqtalǵan. «Qazaqstannyń jas azamattary úshin maqtanýǵa laıyqty, elimizde oqýǵa jáne ómir súrýge qajetti jaǵdaıdyń bári bar. «100 naqty qadam» – meniń bolashaqqa qurǵan josparym ekenin jaqsy bilemin. Osy 100 qadam is júzinde jastardyń 100 myń qadamyn bildiredi. Bul bizdiń órleý jolymyzdyń bastaýy ári meniń barlyq qatarlastarymmen birge kóterilgim keletin baspaldaq», – dep jazady avtor. Temirtaý qalasynyń túrli etnostardan quralǵan turǵyndary, ardagerleri, zııaly qaýymy men jastar ókilderi de Memleket basshysy usynǵan «Ult josparyna» qoldaý bildirdi. Olar qazaqstandyqtardyń árbir qadamdy júzege asyra otyryp, básekege qabiletti bola túsetinin atap ótken. Olardyń pikirinshe, azamattar eldiń aldyna qoıylǵan bıik maqsattarǵa qaraı  birge qadam basýy tıis, óıtkeni, birlik is-qımyldyń tabysty bolýynyń kepili sanalady. Olardyń sózine Qaraǵandy, Balqash, Jezqazǵan, Saran jáne Prıozersk qalalarynyń jáne oblys aýdandarynyń jurtshylyq ókilderi, sondaı-aq Balqash mys qorytý zaýytynyń eńbek ujymy da qosylady. Qyzylorda oblysynan kelip túsken hattarda uıymdardyń basshylary men eńbekkerleri, bilim jáne ǵylym salasynyń ókilderi, oqýshylar men jastar, Qyzylorda qalasy men óńir aýdandaryndaǵy qoǵamdyq birlestikter músheleri Ult josparynda belgilengen reformalardyń tabysty iske asyrylýy árbir qazaqstandyqtyń naqty is-áreketine baılanysty ekenin aıtady. Sondaı-aq, avtorlar «Máńgilik El» ıdeıasyna, onyń júzege asyrylýynyń Qazaqstan halqynyń birligi úshin, bilimdi jáne patrıot jas býyndy tárbıeleý úshin zor mańyzy bar ekenine aıryqsha nazar aýdarǵan. Mańǵystaý oblysynyń tur­­­ǵyndary, qoǵamdyq bir­les­tikterdiń, etnomádenı ortalyqtardyń, zııaly qaýymnyń ókilderi, túrli kásiporyndardyń jumysshylary, jastar eldegi densaýlyq saqtaý jáne bilim berýdi qosa qamtıtyn mańyzdy áleýmettik salalardyń júıeli damýyna nazar aýdarǵan. Avtorlar osy oń ózgerister jalǵasyn tabatynyna jáne memleketimizdiń irgesin odan ári nyǵaıtýǵa septigin tıgizetinine senim bildirgen. «Alan» osetın etnomádenı birlestiginiń tóraǵasy F.Bırkle óz hatynda Ult jospary turaq­tylyqty jáne azamattardyń teń quqyqtylyǵyn nyǵaıtyp, memlekettik basqarýdyń tıimdi júıesin quraýǵa, eldiń bet-beı­nesiniń ózgerýine septigin tıgizetinin jáne jańa standarttar qalyptastyratynyn atap kórsetken. «Siz usynǵan reformalarmen tanysqannan keıin erteńgi kúnge degen senimdilikten týyndaıtyn shýaqty sezim paıda boldy. О́ıtkeni, qýatty, erkin, órkendeýshi memlekette turý zor baqyt qoı», – delingen hatta. Qoldaý sózderi men lebizderin Pavlodar oblysyndaǵy Qazaqstan halqy Assambleıasynyń múshe­leri, bilim berý salasynyń qyzmetkerleri, joǵary oqý oryndarynyń  stýdentteri men oqytýshylary da joldady. S.Toraıǵyrov atyndaǵy Pav­lodar memlekettik ýnı­ver­sıteti «Birlik» stýdenttik assambleıasynyń tóraǵasy R.Smaıy­lov «100 naqty qadam»  Ult josparynyń júzege asyrylýy joǵary nátıjelerge qol jetkizýge múmkindik týdyratynyna senim bildirgen. «Mektep oqýshylary men stýdentterden bastap zeınetkerlerge deıingi kópshilik arasynda «100 naqty qadam» josparyna jan-júregimen senetin men sııaqty jandar óte kóp. Olardyń bári bizdiń uly ózgerister jolymen júrip kele jatqanymyzdy, Prezıdentimizdiń sońynan uly jeńisterge qaraı qadam basyp kele jatqanymyzdy biledi», – dep jazady avtor. Kóptegen hattar men jedelhattar Soltústik Qazaqstan oblysynan kelip tústi. Máselen, Petropavl qalasynyń turǵyny S.Abdýllına «100 naqty qadam» bastamasyna qoldaý bildirgen. «100 naqty qadam» Qazaqstan úshin kúrdeli synaqtar kezeńinen batyl ótýge,  «Qazaqstan-2050» Strategııasyn júzege asyrý jolynan aýytqymaýǵa jáne memlekettilikti nyǵaıtýǵa múm­kindik beretin ornyqtylyq qoryn qamtamasyz etedi dep sanaımyn», – delingen hatta. Sonymen qatar, óz hatta­ryn M.Qozybaev atyndaǵy Sol­tústik Qazaqstan memlekettik ýnıversıtetiniń, Rýzaev agrarlyq-tehnıkalyq kolledjiniń, Le­nıngrad aýyl sharýashylyǵy kolledjiniń oqytýshylar men oqýshylary, bilim berý, densaýlyq saqtaý salasynyń qyzmetkerleri, Petropavl qalasy men oblys aýdandarynyń etnomádenı jáne qoǵamdyq birlestikteriniń ókilderi de joldady. Avtorlar Qazaqstannyń damýynda jańa ózgeristerdiń bolashaqta mańyzdy ról atqaratynyna jáne mindetti túrde elimiz tabystarǵa jetetinine senim bildirgen. Hat-habardyń aýqymdy bóligi Ońtústik Qazaqstan oblysynan kelip tústi. Saıram aýdanynyń turǵyny, Qazaqstan Respýblıkasy aǵartý isiniń úzdigi H.Ábdiqadyrova Ult jospary damýdyń stra­te­gııalyq jańa mindetterin naqty aıqyndap, memleketimizdiń laıyqty bolashaǵyna degen senim uıalatatynyn aıtady. «Árbir qadam – Prezıdenttiń naqty praktıkalyq tapsyrmasy. Bizdiń árqaısymyz, ár qazaqstandyq osy mańyzdy 100 qadamdy óz mamandyǵynda, jumys ornynda, qoǵamdyq ómirde, otbasynda búkil elmen birge júzege asyryp, óz basynan ótkerýge tıispiz. Qazaqstan óziniń Kóshbasshysy qoıǵan maqsattaryna jetedi dep senemin, óıtkeni, buǵan deıingi barlyq josparlar oryndaldy», – delingen hatta. Oblystyń jáne Shymkent qalasynyń ártúrli etnomádenı birlestikteriniń músheleri qa­zaq­standyq birtektilikti ny­ǵaı­typ, birtutas azamattyq qoǵam qalyptastyrýǵa jaǵdaı týǵyzatyn, septigin tıgizetin «Úlken el – úlken otbasy» jobasyna arnaıy toqtalyp ótken.