Reseı akademııasynyń qazaqstandyq túlekteri

Reseı IIM Volgograd akade­mııa­synda osy oqý ornyn bitirý­shi­lerdiń keshi boldy. 288 jas maman joǵary bilim dıplomy men leıtenant shenderine ıe boldy. Tú­lekter arasynan 21 maman Qa­zaq­stannan bolsa, sonyń ekeýi Batys Qazaqstan oblysynan. Akademııa Reseı Federasııa­syn­daǵy eń iri oqý oryndarynyń biri bola otyra, taıaý jáne shet­elde­gi quqyq qorǵaý organdarynyń bilikti mamandar jıyntyǵynyń mańyzdy qaınar kózderiniń biri bolyp tabylady. Budan bes jyl buryn Táýelsiz Mem­leketter Dostastyǵyna qaty­sýshylar ishki ister organdary men ishki ásker kadrlaryn daıarlaý jó­ninde Memlekettik kelisim jasaǵan bolatyn. Mine, bıyl Qazaqstan Respýblıkasynyń ishki ister or­gandaryna tuńǵysh túlekter bitirip shyǵyp otyr. Olar – arnaıy daıyndyq pen oqýdan ótken 21 jas maman. Olarǵa tergeý appara­tyn­da, qylmysty izdestirý, eko­no­mı­kalyq qylmysqa qarsy kúres bólimshelerinde, jedel-krımınalıstıkalyq bólimshelerde qyzmet etýge týra keledi. Oqý ornyn erekshe dıplommen aıaqtaǵan jeti qazaqstandyq túlek­tiń aty-jónderi akademııa jar­ǵy­syna sáıkes estelik taqtasyna engizildi. Al, qalǵandary “jaqsy” degen baǵamen aıaqtady. Qazaqstan Respýblıkasynyń Ishki ister mınıstrliginiń atynan Batys Qazaqstan oblysy IID bas­tyǵynyń kadr jumysy jónindegi orynbasary, polısııa polkovnıgi Ermurat Qamzın sóz sóıledi. Ol Reseı Federasııasynyń IIM Vol­gograd akademııasynyń basshyly­ǵy men ujymyna Qazaqstan Res­pýb­lıkasynyń ishki ister organ­da­ry­nyń qyzmetine mamandar daıar­laýdaǵy eńbekteri úshin alǵysyn bildirdi. Fatıholla MAShTAQOV, polısııa polkovnıgi. Batys Qazaqstan oblysy.