Djıgýrda jubaıynan keshirim surap, otbasyn saqtap qaldy

ASTANA. 10 naýryz. Sot otyrysy barysynda belgili akter, shoýmen Nıkıta Djıgýrdanyń jubaıynan kópshilik aldynda keshirim suraýy onyń otbasyn saqtap qalýyna járdemdesti. Bul týraly NTV telearnasy habarlady. «Janjalǵa ulasqan neke buzý prosesi búgin atalmysh akter men burynǵy mánerlep syrǵanaýshy, Olımpıada chempıony Marına Anısınanyń biıimge kelýimen aıaqtaldy», - delingen habarlamada. Erli-zaıyptylar ajyrasýlarynyń bastamashysy sportshy kelinshek boldy. Bul áńgime Djıgýrdanyń áıelin satqyndyq jasady dep negizsiz aıyptap, bolmaı jatyp baıbalam salýynan keıin qozǵaldy. Biraq shoýmen jubaıymen qarym-qatynasty úzýden bas tartyp, búgin sottyń aqyrǵy otyrysy aldynda jubaılardyń adaldyǵy men súıispenshiligi jaıynda monolog aıtty. Akter sóılep turǵan kezinde saǵatyna qaraýmen boldy. Sebebi, ótken jolǵy otyrys onyń keshigip kelýine baılanysty keıinge qaldyrylǵan edi. Al Marına Anısına Parıjde gastroli bolýy saldarynan proseske qatysa almady. Djıgýrdanyń ózi Fransııaǵa jaqynda kelip, jubaıymen kezdesip, odan keshirim suraǵanyn aıtty. Sottan keıin Nıkıta otbasynyń qaıta qosylǵanynyń qurmetine birneshe jańa tatýırovka saldyrý úshin tatý-salonǵa tartyp ketti. Murat Aıtqoja. Derek, sýret: NTV.Ru.