Kıevte AQSh elshiligi aldynda narazylyq aksııasy jasaldy

ASTANA. 2 sáýir. Keshe Ýkraına astanasy – Kıev qalasyndaǵy AQSh elshiligi úıi aldynda móńireý túrindegi qarsylyq aksııasy jasaldy. Bul týraly «Pravda.Ru» habarlady. «1 sáýir kúni Kıevtegi AQSh elshilgigin 2000 qaraly adam qorshap aldy», - delingen habarlamada. Al aksııaǵa qatysýshylar munda qoldaryna «My ne skoty!», «My ne hýdoba», «Ne bylo», «Hiba revýt volı ıak ıasla povni?» degen urandary bar plakattar ustap keldi. Narazylyq aksııasyna shyqqandardyń taǵy bir ereksheligi, olar óz aýyzdarynan bir aýyz da sóz shyǵarǵan joq. Munyń ornyna móńirep, mańyraýmen boldy. Ara-arasynda barlyǵy uıymdastyrýshylar taratyp bergen kapýstany jep turdy. Qarsylyq aksııasynyń fınalynda belsendiler qaryndary ash iri qara maldarynyń keıipterin keltirip, elshilik aýlasyna qaraı jer tarpyp, topyraq shashty. Aksııa qazirgi kúnderi Ýkraına úkimetinde qaptap júrgen sheteldikterge, amerıkalyqtar men eýropalyqtardyń memleket isine qatty aralasýshylyǵyna qarsylyq retinde jasalǵany anyq kórinip tur. Narazylyq jıynyna kelýshiler sońynda grýzınniń «Sýlıko» ánin salyp, qoldaryna Eýroodaqtyń nyshandary salynǵan eki metrlik sábizdi ustap turdy. Murat Aıtqoja.