Táýelsizdik shejiresi

Qazaqstan Respýblıkasynyń Ulttyq kitaphanasynda “Nursultan Nazarbaev — Qazaqstan Respýblıkasynyń Tuńǵysh Prezıdenti” atty kitap kórmesi ashyldy Elbasynyń mereıtoıyna oraı­las­­ty­rylǵan kórme maqsaty – Mem­leket bas­shy­sy N.Nazarbaevtyń ómi­ri men saıası qyzmeti jaıyndaǵy Ulttyq kitaphana qo­ryn­daǵy otan­dyq jáne sheteldik basy­lym­dar­dy keńinen tanystyrý. Bul kór­meni Táýelsiz Qazaqstannyń qa­lyp­tasý jyldarynyń tarıhı she­jiresi dese de bolǵandaı. Negizinen jeti bólimnen turatyn kórmege qazaq, orys jáne shet tilde­rin­degi 1 myńnan astam basylym qoıy­lyp, olarda Elba­sy­nyń ómir jo­ly: jastyq shaǵy, eseıip, eń­bek­ke ara­lasqan jyldary, saıası jáne qo­ǵam­dyq qyzmeti qamtylǵan. Sondaı-aq Mem­leket basshysy týraly álem saıasat­ker­leri­niń oı-pikirleri, aqyn-jazýshylar shyǵar­ma­larynyń toptamalary bar. “Meniń Qazaqstanym” atty bólim Táýel­siz Qazaqstanǵa arnalyp, ondaǵy qujattar elimizdiń qysqa merzim ishinde júrip ótken jolyn, tarıhı oqıǵa­lar­dy sýrettese, ekinshi bólim “N.Nazar­baev­tyń eńbekteri” dep ata­lyp, Elbasynyń kitaptary, baıandamalary men sózderi, jol­daý­lary men úndeý­leri, suh­bat­tary men maqalalary, qut­tyqtaýlary qam­­tyl­ǵan. Olardyń ishin­de ár jyldary jaryq kórgen “Ádi­let­tiń aq joly”, “Táýel­sizdigimizge bes jyl”, “Ǵa­syr­lar toǵy­syn­da”, “Tarıh tol­qy­nyn­da”, “Eýrazııa júre­gin­de”, “Qa­zaq­stan joly”, “Syndarly on jyl”, “Qalyń elim qazaǵym”, t.b. kitap­tary qoıylǵan. Kelesi “О́miri men qyzmeti” bóli­minde Elbasynyń ómirbaıany, oqyǵan jyl­dary men eńbek jolynyń basta­lýy, Qazaqstan Res­­pýb­­lı­ka­sy­ Pre­zı­dentin saılaý jáne ulyqtaý, ha­lyqaralyk nagradalar men kurmetti ataq­tary týraly áde­­bıetter bar. “Mem­l­e­ket jáne Pre­zıdent” bóliminde prezıdenttik bılik pen mem­le­kettik basqarý, zańdyq-quqyqtyq saıasat, Kons­tıtýsııa týraly ádebıetter kórsetilgen. “Ishki saıasat” bóliminde Elbasy­nyń áleýmettik-ekonomıkalyq saıa­sa­ty, onyń “Qa­zaqstan­-2030”  Stra­tegııalyq baǵdar­la­masy jáne Qa­zaqstan halqyna jyl saıynǵy joldaý­la­rymen, Qazaqstan óńirle­rine jasa­ǵan jumys saparlarymen, Astana qa­lasyn damytý týraly materıaldarmen, sondaı-aq elimizde turatyn etnostar­dyń jara­symdy dos­tyǵy men yn­ty­maq­­tastyǵy jó­ninde júr­gizip otyrǵan saıasaty, Qa­zaqstan halqy Assam­bleıa­sy týraly materıaldarmen tanysýǵa bolady. Al “Syrtqy saıasat” bóliminde taıaý jáne alys sheteldermen halyq­aralyq qatynastar, Shanhaı ynty­maqtastyq uıymyna, Eýrazııa­lyq odaqqa qatysý, Qazaqstannyń 2010 jyly EQYU-ǵa tóraǵalyq etýi jaıly mate­rıaldar erekshe oryn ala­dy. Qorytyndy bó­lim­de Prezı­denttiń Ulttyq kitap­ha­nada bolǵany týraly materıal­dar jınaqtalǵan. Sondaı-aq kórmege kelýshiler “Nur­sultan Nazarbaev – Qazaqstan Res­­pýb­­lı­ka­sy­nyń Tuńǵysh Prezı­den­ti” atty elektron­dyq kitap­ha­nadaǵy 1993 jyldan bastap júr­gi­zilip kele jatqan málimet­ter baza­syna kirgen N.Na­zarbaevtyń ómiri men qyz­meti týraly 16620 bıblıo­gra­fııalyq (qazaq tilinde – 7011, orys ti­linde – 8304, shet tilderinde ­– 1305) málimet­termen jáne jazba­lar­men de tanysa alady. Ol jyl saıyn jańa aq­­parat­tarmen tolyqtyrylyp otyrady. Kórmege kelýshiler Táýelsiz­dik­tiń 20 jyldyǵy men Astana kúnine jáne Elbasy N.Nazarbaevtyń 70 jasqa tolý qurmetine arnalǵan “El­basy. Táýel­siz­dik. Almaty” atty fotoshejire kitaby­men de tanysa alady. Barshaǵa aıan, el táýelsizdigine tııanaq bolǵan barlyq istiń bastaýy Almatyda bastaldy. Táýelsizdi­gi­mizdiń tusaýy Almatyda kesildi. Qazaqstannyń Týy, Eltańbasy men Ánurany, tól teńgesi de Almatyda dúnıege keldi. Táýelsizdigimizdiń jeti jylǵy tamyr jaıý joly Almatyda qalyptasty. Elbasymyzdyń: “Al­maty – bizdiń Táýelsizdigimizdiń altyn be­sigi, memlekettigimizdiń altyn dińgegi”, deýi de sondyqtan bolatyn. Bul qundy syılyq “Al­maty aqshamy” gazetiniń janynan “Almaty aqshamynyń” ki­taphanasy” serııasy boıynsha Almaty qalasy ákimdiginiń qoldaýymen “ARNA-V” baspasynan shyǵyp otyr. Almaty qalalyq ishki saıasat bas­qar­masynyń memlekettik áleýmettik tap­sy­rysy aıasynda kitapty “Azamattyq basta­malar ortalyǵy” qoǵamdyq birlestigi shyǵardy. Joba avtory – “Almaty aqshamy” gazetiniń bas redaktory Qalı Sársenbaı. Kórme úsh aı jumys isteıdi. Gúlzeınep SÁDIRQYZY, Sýretterdi túsirgen Bersinbek SÁRSENOV.