Qyrǵyzdar «Dańq sátinde» qazylardy tań qaldyrdy (vıdeo)

ASTANA. 3 sáýir. Shveısarııada ótken «Die grössten Schweizer Talente» tanymal jobasynda óner kórsetken qyrǵyzstandyq ıllıýzıonıster Radıslav Safın men Olga Kramer ózderiniń zor sheberlikterimen qazylar alqasyn esterinen tandyrdy. Bul týraly KNews habarlady. Qyrǵyzstan portaly atalmysh týrnırdiń «Dańq sáti» («Mınýta slavy») atty áıgili telejobanyń shveısarııalyq versııasy ekenin málimdeıdi. Alatoo baýraıynan barǵan sıqyrshylar sahnada «Silk road» («Jibek joly») dep atalatyn nómirmen óner kórsetken. Onda Ortalyq Azııa halyqtarynyń jeıdeleri men qamzoldary usynylady. Sonyń bárin Olga sanaýly sekýndtardyń ishinde aýystyryp úlgerip, qap ishinen kórermen aldyna shyǵyp turǵan. Radıslavtyń aıtýynsha, olar paıdalanǵan barlyq kástómder qoldap tigilgen jáne aımaqtaǵy halyqtardyń mádenıeti men dástúrinen syr shertedi. Qyrǵyzstandyq sıqyrshylarǵa qazylar alqasynyń músheleri túgeldeı oılanbastan «Iá» dep ún qosty. Bul endi olardyń telejobanyń kelesi kezeńine qatysýlaryna quqyq berip otyr. Murat Aıtqoja. Mánbe: Knews. Foto: www.vb.kg. https://youtu.be/jQjjsHlN26U