Qazaqstanǵa myqty prezıdent kerek

Keshe Qazaqstan Respýblıkasynyń prezıdenttigine kandıdat Nursultan Nazarbaevtyń Respýblıkalyq qoǵamdyq shtabynyń músheleri Almatyda qala aktıvimen, stýdent jastarmen, Almaty kópir qurylǵylary zaýytynyń jumysshylarymen kezdesip, sondaı-aq, Elbasy jaqtastarynyń myńdaǵan adam jınalǵan forýmyna qatysty. Delegasııa quramynda Respýblıkalyq qoǵamdyq shtabtyń basshysy Muhtar Qul-Muhammed, «Nur Otan» partııasy Tóraǵasynyń birinshi orynbasary Baýyrjan Baıbek, Qazaqstan Patrıottar partııasynyń tóraǵasy Ǵanı Qasymov, «Aq jol» demokratııalyq partııasynyń tóraǵasy Azat Perýashev, «Birlik» partııasynyń tóraǵasy Serik Sultanǵalı, Parlament Májilisiniń depýtattary, ÚEU, ǵylym jáne shyǵarmashylyq ıntellıgensııa ókilderi, belgili qoǵam qaıratkerleri, t.b. boldy. Respýblıka saraıyna 3 myńdaı al­ma­­tylyqtar – Prezıdenttiń serik­teste­ri, qoǵam qaıratkerleri, ardager­ler, qa­la­nyń qurmetti azamattary, etnomádenı bir­lestikterdiń, jastar uıym­darynyń, sha­ǵyn jáne orta bıznes­tiń ókilderi jına­lyp, kezekti márte ózderiniń N.Á.Na­zar­baevty qoldaı­tyn­dyqtaryn bildirdi. Táýelsiz Qazaqstannyń eń alǵashqy Úkimet tóraǵasy Sergeı Tereshenko aktıv barysynda Nursultan Nazarbaevtyń bar-joǵy 24 jyldyń ishinde eldiń jan basyna shaqqandaǵy IJО́-sin 30-dan astam retke ulǵaıtý qolynan kelgen asa kórnekti memleket qaıratkeri bolyp tabylatynyn atap kórsetti. Belgili memleket qaıratkeri Qýanysh Sultanov Elbasynyń Qazaqstandy pikiri álemdik arenada úlken salmaqqa ıe halyqaralyq qoǵamdastyqtyń bedeldi múshesi jasaǵanyn atap ótti. «Birlik» partııasynyń tóraǵasy Serik Sultanǵalı Nursultan Nazarbaevtyń eń basty eńbegi onyń kópultty jáne kópkonfessııaly Qazaqstan halqyn onyń tutastyǵy men ósip-órkendeýine qol jetkize otyryp, biriktire jáne sońynan erte bilgeni ekenin málimdedi. Qazaqstan Qarjygerler qaýym­das­tyǵynyń tóraǵasy Serik Ahanov Nur­sultan Nazarbaevty otandyq qar­jy-eko­nomıkalyq júıesiniń basty arhıtektory dep atady. Sondaı-aq, El­basynyń sarabdal saıasatynyń arqa­synda Qazaqstannyń qar­jy-ekono­mıkalyq júıesi búginde álem­degi eń myqtylarynyń biri bolyp ta­by­latynyn, osy sebepti jahandyq daǵda­rystyń asa aýyr saldarlaryna tótep bere alyp otyrǵandyǵyn atap kór­setti. «Belkamıt» AQ-tyń bas dırektory Nursultan Nazarbaevqa ónerkásipshilerge qoldaý kórsetip kele jatqany úshin óziniń zor rızashylyǵyn bildirdi. «Elbasynyń ózi óndiris salasynan shyqqandyqtan da bizdi basqalardan jaqsy túsinedi jáne jańa kásiporyndar quryp, jumys oryndaryn ashý arqyly damýymyzǵa úlken kómek kórsetip keledi», dep atap kórsetti Pavel Beklemıshev. Aktıvke Qazaqstan halqy Assam­bleıa­synyń múshesi Asyly Osman qatysty. Belgili ǵalym jáne pedagog Nursultan Nazarbaevtyń dana saıasatynyń arqa­synda ár qazaqstandyq shyǵý tegine jáne ultyna qaramastan, ómirde úlken ta­bystarǵa qol jetkizý múmkindigine ıe ekenin atap ótti. Asyly Osmannyń pikirinshe, bul elimizdegi demokratııalyq damý deńgeıiniń basty kórsetkishteriniń biri bolyp tabylady. Nursultan Nazarbaev týraly ataqty kompozıtor Nurǵısa Tilendıevtiń qyzy jyly sózder aıtty. Belgili jáne talantty dırıjer Dinzýhra Tilendıeva Elbasyna óner men mádenıet salasyna kórsetip kele jatqan ákelik qamqorlyǵy úshin shyn júrekten shyqqan rızashylyǵyn bildirdi. Kúnniń ekinshi jartysynda Res­pýb­lıkalyq qoǵamdyq shtabtyń múshe­leri Almaty qalasyndaǵy JOO stýdent­terimen kezdesti. Stýdentter aldynda sóz sóılegen Qurmanǵazy atyndaǵy Qazaq ulttyq konservatorııasynyń rektory Jánııa Áýbákirova búkil álem turaqsyzdyq qamytyn kıgen shaqta Qazaqstan buryn-sońdy bolmaǵan «Nurly Jol» áleýmettik-ekonomıkalyq baǵdarlamasyn «Máńgilik El» rýhanı-adamgershilik ulttyq ıdeıasymen bir mezgilde júzege asyra otyryp, óziniń áleýetin arttyra túsip kele jat­qanyn atap kórsetti. «Osynyń barlyǵy Qazaqstan halqynyń kóńiline maqtanysh sezimin uıalatyp, barshamyzdy toptastyra túsedi jáne Elbasymen – zamanymyzdyń álemdik deńgeıde moıyndalǵan saıası kóshbasshysymen birge bolashaqqa qaraı erkin adymdaýǵa múmkindik beredi!» – dedi óziniń sózinde J.Áýbákirova. Respýblıkalyq qoǵamdyq shtabtyń mú­sheleri, sondaı-aq, Almaty kópir qu­rylǵylary zaýytynyń jumysshy­lary­men kezdesti. Atalǵan óndiris ornynda 700-den astam adam jumys istese, onda Elbasy N.Á.Nazarbaev bastamashylyq tanytqan «Batys Eýropa – Batys Qytaı» kólik dáliziniń qazaqstandyq bóliginiń qurylysy úshin joǵary sapaly temir-beton buıymdary shyǵarylady. Zaýyt dırektory Ahmetjan Shar­dınov kezdesý kezinde bylaı dep atap kórsetti: «Bizdiń Elbasymyz qashanda halyqpen birge jáne árkez bizderdi – jumysshylardy qoldap, demep keledi. Búgin bizge de ózimizdiń Prezıdentimizdi qoldaý kerek. Men Qazaqstannyń barlyq jumysshylary qashandaǵydaı prezıdenttik saılaýda bizdiń ortaq Kóshbasshymyz Nursultan Nazarbaev úshin daýys beretinderine senimdimin!». Zaýyt jumysshylary, óz kezekterinde, Memleket basshysynyń eńbek adamyna kórsetip kele jatqan qurmeti úshin rızashylyqtaryn bildirdi. AKQZ-nyń jumysshysy Elena Novıkova jaqynda zaýyt ujymy Elbasyna prezıdenttik saılaýǵa qatysý týraly ótinishpen ujymdyq hat jazǵanyn aıtty. Adamdar ózderiniń úndeýleri Nur­sul­tan Nazarbaevqa jetkenin bilgen­de shyn kóńilden qýanǵandaryn kólde­neń tartty. «Bizdiń jumysshylar ózderi­niń bul áreketterin maqtan etedi jáne El­ba­synyń prezıdenttik saılaýda jeńiske jetetinine esh kúmán keltirmeıdi», dep málimdedi Elena Novıkova. Respýblıkalyq qoǵamdyq shtab m­ú­she­leriniń Almatyǵa jumys saparlarynyń alǵashqy kúni Elbasyn jaqtaýshylardyń forýmymen aıaqtaldy. Oǵan shamamen 5000-daı adam qatysty. Forýmda «Nur Otan» partııasy Saıa­sı keńesi bıýrosynyń músheleri Qýa­­nysh Sultanov pen Svetlana Roma­nov­skaıa, Aýǵanstan soǵysy ardager­leri qaýymdastyǵynyń tóraǵasy Baqyt­­bek Smaǵul, 2000 jylǵy Sıdneı Olım­pı­a­da­synyń chempıony Ermahan Yby­raıymov jáne Turkvision-2014 baıqaýynyń je­ńim­pazy Janar Duǵalova sóz sóıledi. Almatylyqtar Qazaqstanǵa myqty prezıdent kerek dep málimdedi. Son­dyq­tan olar Nursultan Nazarbaevqa daýys beretin bolady. Aınash ESALI, «Egemen Qazaqstan». ALMATY.