Aýyl turǵyndaryna baǵdarlama jaıy túsindirilýde

2015 jylǵy 16 naýryzdan Qazaqstanda «Jumyspen qamtýdyń jol kartasy-2020» baǵdarlamasyna jáne «О́rleý» jobasyna qatysý máseleleri boıynsha aqparattyq-túsindirý jumystaryn júrgizý úshin quramyna DSÁDM Eńbek, áleýmettik qorǵaý jáne kóshi-qon komıtetiniń óńirlik departamentteriniń, jumyspen qamtýdy úılestirý jáne áleý­mettik baǵdarlamalar basqarmalarynyń, jumyspen qamtý bólimderiniń qyzmet­kerleri kirgen arnaýly mobıl­di toptar jumys isteı bastady. Mobıldi toptar al­ǵash­qy jumys kúniniń qorytyn­dysynda 8 oblystyń 10 aýyldyq aýdanyn qamtydy. Mobıldi toptar «Jumys­pen qamtýdyń jol kartasy-2020» baǵdarlamasyna jáne «О́rleý» jobasyna qatysýǵa nıet bildirgen azamattardy anyqtaıdy. О́tinim berilgennen keıin mamandar jergilikti jerlerde «Jumyspen qamtýdyń jol kartasy-2020» baǵdarlamasynyń jáne «О́rleý» jobasynyń naqty baǵyttary boıynsha qatysýǵa azamattarmen áńgimelesý já­ne kásibı baǵdarlaý ju­mys­taryn júrgizip, atalǵan baǵdarlamalarǵa qatysýǵa qajetti qujattar toptamasy boıynsha keńester beredi. Mobıldi toptardyń ju­mysy nátıjesinde kásibı baǵ­darlaýdan ótken jáne «Jumys­pen qamtýdyń jol kartasy-2020» baǵdarlamasy jáne «О́rleý» jobasynyń qandaı da bir baǵytyna qatysýdy sheshken tulǵalar qajetti toptamasyn ázirleıdi. Ári qaraı jumyspen qamtý ortalyqtarynyń qyz­metkerleri azamattardy jumys­pen qamtýǵa tikeleı qoldaý kórsetedi. Jalpy, Qazaqstan boıynsha quramyna 441 qyzmetker engen 178 mobıldi top quryldy. Olar jumyssyzdyq deńgeıi, nátıjesiz jumyspen aınalysatyndar jáne az qamtylǵan tulǵalar sany joǵary, sondaı-aq, «Jumyspen qamtýdyń jol kartasy-2020» baǵdarlamasyna qatysý deńgeıi tómen 191 aýdannyń 404 eldi mekeni turǵyndaryn qamtýdy josparlap otyr. Mobıldi toptardyń jumysy aǵymdaǵy jylǵy 15 sáýirge deıin sozylady. «Egemen-aqparat».