Taýarly sút fermalary qurylady

Shyǵys óńirinde agroóner­kásip keshenin damytý boıynsha jalpy somasy 9,3 mlrd. teńgeni quraıtyn 154 iri jáne shaǵyn joba júzege asyryldy. Osy arqyly «QazAgro» ulttyq basqarýshy holdıngi» AQ ınstıtýtymen qarjylandyrylatyn ınvestısııalyq jobalardy júzege asyrý jumystary jandana tústi. Oblystyq aýyl sharýashylyǵy basqarmasynyń basshysy Dúısem­baı Selıhanovtyń aıtýynsha, 2014 jyly «QazAgro» jelisi boıynsha oblysta 6,1 mlrd. teńgege 68 joba oryndaldy. Osylaısha, «QazAgro» jelisi boıynsha jobalardyń sany 2013 jylmen salystyrǵanda 3,5 esege ulǵaıyp, ınvestısııa kólemi 2,2 esege ósti. Qazirgi kezde oblys kóleminde 49 myń basqa arnalǵan 285 borda­qylaý alańy qurylyp, jumys isteýde. Onyń ishinde 9 alań ótken jyly iske qosyldy. Sút óndirisin ulǵaıtý maqsatynda Borodýlıha aýdanynda «E.Zaıtenov» sharýa qojalyǵynyń taýarly sút fermasyn robottandyrý jobasy aıaqtalyp, Ulan aýdanynda 100 basqa arnalǵan eki, 400 basqa arnalǵan bir taýarly sút fermasy salyndy. Sondaı-aq, «Altyn asyq», «Qulan», «Yrys» jáne «Jaılaý» syndy mal sharýashylyǵyn damytýǵa arnalǵan baǵdarlamalar sheńberinde óńirdiń aýylsharýashylyq taýaryn óndirýshiler 13 myń bas qoı, 1,5 myń bas jylqy satyp aldy. Mashına-traktor parkin jańar­tý boıynsha birqatar jumystar júr­gizildi. 2014 jyly 6,1 mlrd. teńgege 810 aýylsharýashylyq teh­nı­kasy satyp alyndy. Sonyń ishinde 5,1 mlrd. teńgege 646 dana tehnıka lızıng arqyly alynyp, bul maqsattaǵy jalpyrespýblıkalyq shyǵynnyń 16 paıyzyn qurady. Byltyr «QazAgroqarjy» AQ arqyly mashına-traktor parkin jańartýǵa quıylǵan ınvestısııa kólemi 34 paıyzǵa ósti. О́tken jyly óńirde aýylsharýashylyq óniminiń jalpy kólemi 300 mlrd. teńgege jýyqtady. Bul 2013 jyl­ǵy deńgeımen salystyrǵanda 2,2 paıyzǵa joǵary. Atalǵan kórset­kish boıynsha shyǵys óńiri respýblıkada úshinshi orynǵa taban tirep otyr. О́tken jyldyń qorytyndysy boıynsha egistik alqaptar 16,7 myń gektarǵa, dándi daqyldar alqaby 27 myń gektarǵa ósti. Odan ózge 438 myń gektar jerge ylǵal únemdeý tehnologııasy engizildi. Sonymen qatar, óńirde sýarmaly jer men sýarýdyń tyń ádisteri? n engizý boıynsha is-sharalar jalǵasýda. Máselen, sýarmaly jer kólemi 5 myń gektarǵa artyp, 90 myń gektar, jańbyrlatyp sýarý ádisi boıynsha sýarylatyn alqaptar 8900 gektardy qurasa, tamshylatyp sýarý 850 gektarǵa jetti. Mal sharýashylyǵynda da oń kórsetkishter bar. Et óndirý kólemi 2013 jylmen salystyrǵanda 6,6 paıyzǵa, sút óndirý 2,4, jumyrtqa 7,4 paıyzǵa ósti. Múıizdi iri qara sany – 2,3 , jylqy – 5,7, qoı men eshki – 99, qus 4,4 paıyzǵa artty. Sheteldik 1696 etti iri qara satyp alyndy. Onyń ishinde «QazAgro» arqyly 1026 bas sıyr ákelindi. «Sybaǵa» baǵdarlamasy boıynsha 1 mlrd. teńgege 5,3 myń bas múıizdi iri qara satyp alynyp, jos­par 114 paıyzǵa artyǵymen oryndaldy. 2014 jyly «Múıizdi iri qara etiniń eksporttyq áleýetin damytý» jobasyn júzege asyrý sheńberinde asyl tuqymdy sharýashylyqtar sany 8 danaǵa kóbeıdi. Katonqaraǵaı aýdanynda 1000 basqa arnalǵan «Angýs» jáne «Lımýzın» asyl tuqymyn ósiretin sharýashylyq quryldy. Eń bastysy, sońǵy kezde óńir basshysy Danıal Ahmetovtiń tapsyrmasy boıynsha, taýarly sút fermalaryn damytýǵa úlken kóńil bólinýde. Sút jáne sút ónimderi óndirisiniń kólemin ulǵaıtý boıynsha ótken jyly taýarly sút fermalaryn qurý ári keńeıtý jáne sút qabyldaý beketteri jelisin ashý baǵdarlamasy júzege asyryla bastady. Taýarly sút fermalaryn damytý sheńberinde 2016 jyldyń sońyna deıin oblys kóleminde 12,8 myń bas saýyn sıyr ustaýǵa arnalǵan 37 ta­ýarly sút fermasyn qaıta jabdyqtaý jáne jańadan qurý kózdelgen. Sondaı-aq, shyǵys óńiri kórshi Reseı eline iri qara etin eksporttaýǵa daıyn. Dýman ANASh, «Egemen Qazaqstan». О́SKEMEN.