Aqtóbede úzdik ınspektorlar baıqaýy ótti

AQTО́BE. 16 qazan. Aýyl sharýashylyǵy mınıstrligi agroónerkásip keshenindegi memlekettik ınspeksııa komıtetine qarasty Aqtóbe oblystyq aýmaqtyq ınspeksııasy eń úzdik ınspektorlar anyqtaıtyn baıqaý uıymdastyrdy. Bul týraly egemen.kz tilshisi habarlady. Baıqaýda aýmaqtyq ınspeksııanyń ósimdikterdi qorǵaý, karantın, astyq jáne asyl tuqymdy mal sharýashylyǵy salalarynda eńbek etetin ınspektorlary saıysty. Úzdik ınspektor baıqaýyna oblysymyzdyń aýdandarynan barlyǵy 40-qa tarta ınspektor qatysty. Oblystyq aýmaqtyq ınspeksııa basshysynyń orynbasary Erlan Orynbaevtyń aıtýynsha, úzdik ınspektorlar baıqaýyn ótkizýdegi maqsat — olardyń óz salasyn qanshalyqty jetik meńgergenin, jumystaryn qalaı oryndaıtynyn anyqtaý bolyp tabylady. Inspektorlar aldymen test suraqtaryna jaýap berip, óz bilimderin dáleldedi. Sonan soń kásibı biliktilikterin dáleldeıtin tájirıbelik suraqtardyń sheshimin tapty. Al úshinshi kezeńde alqa músheleri qoıǵan jalpy suraqtarǵa jaýap berdi. Joǵaryda atalǵan tórt sala boıynsha úzdik dep tanylǵan ınspektorlar Astana qalasynda ótkiziletin respýblıkalyq baıqaýda oblysymyzdyń namysyn qorǵaıtyn bolady. Satybaldy Sáýirbaı. Derek, sýret: egemen.kz.