Ekologııa problemalaryna erekshe kózqaras qajet

Prezıdenttikke kandıdat Ábilǵazy Qusaıynov Qostanaı qalasynda «Qostanaı sý» kommýnaldyq kásipornynyń ujymymen kezdesti. О́z sózinde ol jınalǵandardy saılaýaldy tuǵyrnamasynyń negizgi baǵyttarymen tanystyrdy. Á.Qusaıynovtyń aıtýynsha, álem­niń túrli elderindegi ekonomıkany qar­qyndy damytý jumystary qorshaǵan tabıǵı ortanyń múmkindikteri men ol kótere alatyn shekteýli sharýashylyq salmaqty eskermeı júrgizilip jatyr. Tabıǵat resýrstaryn tıimsiz paıdalaný, tabıǵı ortanyń qaldyqtarmen lastanýy, gendik qor men bıologııalyq ár­túrliliktiń azyp-tozýy qorshaǵan orta men adam mekendegen aınalanyń qul­dyraýyna alyp keledi. Adamnyń ónerkásiptik jumys­tary­nyń saldarynan ozon qabatynyń buzylýy, álemdik muhıttardyń lastanýy, jer men onyń qunarly qabatynyń ju­­tańdanýy, bıologııalyq ártúrliliktiń azýy syndy máseleleri ózekti bolyp otyr. Atmosferanyń shań-tozań jáne gaz­­dy qaldyqtarmen lastanýy úlken alańdaýshylyq týdyrady. Olar mıneraldy otyn men bıomassanyń órtenýine, sondaı-aq, taý-ken, qurylys pen basqa da jerde júrgizilip jatqan jumystarǵa baılanysty aýaǵa taralýda. Adam orny tolmaıtyn tabıǵı resýrs­tardy sheksiz tutyna otyryp, qalpyna keltirýge bolatyn qorlardyń qaıta tolysýyna kedergi jasaýda. «Tabıǵı resýrstardyń qaıta qalpyna kelmeıtinin esten shyǵarmaǵan jón», dep atap ótti Á.Qusaıynov osy oraıda. Prezıdenttikke kandıdattyń aıtýynsha, adamzat jyl saıyn ónerkásiptik óndiris kólemin ósirip, sonyń saldarynan ıgerilmegen tabıǵattyń tynysy múldem tarylyp bara jatyr. Ádette, óndiris kezinde osy jerlerde ómir súretin halyqtyń múddesimen qatar, onda ósetin biregeı ósimdikter men sırek kezdesetin ańdardyń qaýipsizdigi eskerilmeı jatady. Búginde adam óz qolymen óziniń ómir súretin keńistigin shekteýde. Oǵan qosa, Á.Qusaıynov ekologııalyq bilimniń mańyzdylyǵyna toqtaldy. «Jalpy bilim beretin mektepterde mindetti pán engize otyryp, ekologııa men onyń qaýipsizdigi týraly túsinik qalyptastyrý, sonymen qatar, turaqty ekologııalyq-aǵartýshylyq jumystar júrgizý ekologııalyq jáne ónerkásiptik qaýipsizdik týraly bilim berýdiń mańyzdy qadamdary bolyp tabylady», dep atap ótti Á.Qusaıynov. Sonymen qatar, «Qostanaı sý» ujy­mynyń aldynda Á.Qusaıynovtyń aı­maqtyq saılaýaldy shtabynyń jetekshisi Baýyrjan Tıbeev sóz sóıledi. Baýyrjan Aıdabolulynyń aıtýynsha, adam álemdik ekojúıeniń bir bó­ligi ekenin esinen shyǵarmaýy tıis. Ǵalam­shardyń jarqyn bolashaǵy ár adamnyń tabıǵı resýrstar men janýarlar álemine degen sanaly áreketine táýeldi. Álemdik ekojúıeniń bir bólshegi retinde Qazaqstan da qorshaǵan ortanyń lastanýynan týyndaǵan problemalardy sezinip otyr. Sondyqtan óskeleń urpaq arasynda tabıǵatty aıalaýǵa úndeıtin nasıhat jumystaryn kúsheıtý kerek. Sondaı-aq, B.Tıbeev atap ótkendeı, aı­maqta saılaýaldy shtab qyzý jumysqa ki­risti, úgit-nasıhat jumystarymen aına­lysatyn senim bildirilgen adamdar belgilendi. Shtab jetekshisiniń aıtýynsha, alda­ǵy ýaqytta úgit-nasıhat jumystary bel­sendi júrgizilip, birqatar is-shara­lar ótkiziledi, kásiporyndardyń jumys­shy ujymdarymen kezdesý ótkizý jos­parlanǵan. B.Tıbeev shtab keńsesi jýrnalıster men baıqaýshylar úshin árkez ashyq ekenin atap kórsetti. «Úgit materıaldary bar, kandıdattyń saılaýaldy shtabynyń músheleri qajetti túsindirý jumystaryn júrgizýge ázir», – dedi ol. Názıra JÁRIMBETOVA, «Egemen Qazaqstan». QOSTANAI.