KО́KShETAÝ. 28 tamyz. Qaıǵyly jaǵdaı ótken jeltoqsan aıynda, Birlik aýylynda oryn alǵan. Bul týraly egemen.kz tilshisi habarlady.
Aqmola oblystyq prokýratýrasy 10-shy basqarmasynyń prokýrory Mánshúk Júnisovanyń habarlaýynsha, Jergilikti 59 jastaǵy turǵyn R-nyń azamattyq nekedegi áıeli V. basqa kisiniń eteginen ustap ketkeni júregine qatty batsa kerek. Onyń ústine básekelesi H. osy aýylda turatyny, azamattyq áıeliniń kóz aldynda kólbeńdep júretini zyǵyrdanyn qaınatqan kórinedi. Júrekke ámir júrmeıtinin eskermegen R. «jigit sııaqty» sóılespek bolyp, básekelesi turyp jatqan úıde birshama baıbalam shyǵarady. Budan tıisti nátıje bolmaǵan sııaqty. Erteńinde kózi qaraýytqan R. álgi úıge taǵy da keledi. Qany basyna shapqan ol qalyń uıqydaǵy H-nyń basyn baltamen soqqan. Ol sol jerde jan tapsyrady. Shoshyp oıanǵan V. polısııaǵa telefon shalyp, bolǵan jaǵdaıdy habarlaǵan. Qylmystyq ister jónindegi mamandandyrylǵan aýdanaralyq sot jýyrda osy qandy oqıǵanyń núktesin qoıdy. Endi R. qatań rejimdegi kolonııada 13 jyl boıy jaza merzimin óteıtin bolady. Aqmola oblystyq sotynyń appelıasııalyq kollegııasy úkimdi ózgerissiz qaldyrdy. Baqbergen Amalbek. Derek, sýret: egemen.kz
