Jarystar kúndeligi

Boks. Taıaýda Atyraýda Qazaqstan boks federasııasy kýbogy úshin jarystyń “Batys” dıvızıonyn­daǵy Atyraý-Oral komandalary arasynda match­tyq jekpe-jek ótip, ol 15:15 ese­bi­men teń aıaqtaldy. Bi­raq asa aýyr sal­­maqta atyraýlyq­tar jeńiske jet­­ken­dikten kelesi ke­zeńge solar jol­­dama aldy. Al ký­bok jolyndaǵy alǵashqy kezdesý 17 shildede Aqtaý qalasynda osy dıvızıondaǵy Aqtaý-Aqtóbe ko­man­­dalary arasynda ótip, aldyń­ǵylary 7:3 esebimen basym túsken edi. Endi 18 qyrkúıekte Aqtaý jáne Atyraý quramalary ózara 14 fınaldyq oıyn ótkizedi. Kezdesý­diń qaı qalada ótetinin 6 tamyz kúni bolatyn jerebe anyqtaıdy. Soǵan deıin “Shyǵys” dıvızıo­nyn­daǵy Astana-Pavlodar (31 shil­de) jáne О́skemen-Taldy­qor­ǵan (7 tamyz) komandalary kezdesedi. Kúres. Vengrııanyń astanasy Býdapesht qalasynda ótken grek-rım kúresinen jastar arasyndaǵy álem birinshiliginde 50 kıloǵa deı­ingi sal­maqta kúresken qazaq­stan­dyq Aı­sul­tan Baızaqov kúmis me­daldiń ıegeri atandy. Ol sheshýshi beldesýde ázir­baı­jandyq qurdasy El­danız Ázız­lı­ge 0:3, 0:1 esebimen ese jiberip aldy. Ázirbaıjan astanasy Baký qa­lasynda kúrestiń úsh túri boıyn­sha halyqaralyq Kúres federa­sııasy qamqorlyǵyndaǵy jarys ótti. Resmı túrde “Golden Grand Prix FILA” dep atalatyn bul be­deldi týrnırde grek-rım kúresiniń sheberleri arenaǵa eń sońynan shyq­ty. Osy teketireste qazaq­stan­dyqtar sapynan Ashat Qu­daı­­ber­genov (55 kg, Aqtóbe oblysy) pen Darhan Baıahmetov (66 kg, Almaty oblysy) qola medaldyń ıegerleri atandy. Bul kórsetkish qazaqstan­dyqtar arasynda buǵan deıin kúresip, birde-bir marapat ala al­ma­ǵan erkin kúres sheberleri deń­geıi­nen joǵary bolǵanymen, sol kúni qorjyndaryna eki al­tyn, eki kúmis medal salǵan áıelder kúresi ókilderinen álde­qaı­da tómen. Fýtbol. О́tken senbi-jeksenbi kúnderi elimiz Premer-lıgasy 20 týrynyń oıyndary oınaldy. Olar mynadaı nátıjeler ákeldi: 24 shilde. “Ertis” (Pavlodar) – “Aq­tóbe” 2:1. 25 shilde. “Taraz” – “Shah­ter” (Qa­­­raǵandy) 1:1, “Oq­jet­pes” (Kókshetaý) – “Tobyl” (Qostanaı) 1:3, “Qaırat” (Almaty) – “Aqjaıyq” (Oral) 0:0, “Jetisý” (Taldyqorǵan) – “Atyraý” 1:2. Búgin “Lokomotıv” (Astana) – “Or­dabasy” (Shymkent) komanda­la­ry arasyndaǵy kezdesýmen týr oıyndary aıaqtalady. Týrnır kes­tesinde ázirge 20 oıynnan 40 upaıy bar “Ertis” birinshi tur. Ekinshi or­ynda – 19 oıynnan 38 upaı jı­naǵan “Tobyl” komandasy. Al mer­gender kóshin 10 dop soqqan to­byl­dyq Nurbol Jumasqalıev bastap keledi. “Egemen-aqparat”.