QOSTANAI. 28 tamyz. Áýlıekól aýdanynda ebola aýrýyna qarsy arnaıy taktıkalyq oqý-jattyǵý sharalary ótkizildi. Bul týraly egemen.kz tilshisi habarlady.
Áýlıekól aýdanyndaǵy Tótenshe jaǵdaılar jónindegi komıssııasynyń 2015 jylǵa arnalǵan jumys josparyna sáıkes, Áýlıekól aýdanynyń tutynýshylardyń quqyǵyn qorǵaý basqarmasymen birigip, aýdan aýmaǵynda Ebola aýrý belgilerimen aýyrǵan adam tabylǵan jaǵdaıda shuǵyl is-áreket jasaý úshin arnaıy taktıkalyq oqý-jattyǵý ótkizdi.
Oqý-jattyǵý barysynda Ebola aýrý belgisi bar adamdy aýdandyq ortalyq aýrýhananyń ınfeksııa bólimshesine oqshaýlaý máselesi, sonymen qatar aýdannyń jedel jasaǵyn tartý aýrýdyń shyqqan jerine alǵashqy sanıtarlyq-epıdemııalyq jumystardy júrgizý máselesi jattyqtyryldy.
Aýdandaǵy shuǵyl qyzmettiń qalyptasqan ózara áreketi, múmkin bolatyn jaǵdaılardy joıý boıynsha sharalardy ýaqytynda qabyldaý – TJ ýaqytyly jáne tıimdi joıý úshin mańyzy bar sheshim bolary anyq.
Názıra Járimbetova.
Derek, sýret: egemen.kz
