Qostanaıda «О́rleý» úzdik ustazdar úshin brıfıng ótkizdi

QOSTANAI. 16 qazan.  Oblystyq baspasóz klýbynda «О́rleý» biliktilikti kóterý ulttyq ortalyǵynyń fılıaly – Qostanaı oblysyndaǵy pedagogıka qyzmetkerleriniń bilktiligin kóterý ınstıtýty respýblıkalyq «Úzdik pedagog-2015» baıqaýynyń jeńimpazdary úshin brıfıng ótkizdi. Bul týraly egemen.kz tilshisi habarlady. «Úzdik pedagog» respýblıkalyq baıqaýy tórt jyldan beri pedagogıkalyq mamandyq bedelin kóterip keledi. Bıyl ótken «Úzdik pedagog-2015» baıqaýynda elimizdegi 297 myń mektep muǵalimderi men 45 myń kolledj oqytýshylary arasynan qostanaılyq eki muǵalim jeńimpaz atandy. Mektepke deıingi jáne jalpy orta bilim berý júıesinde Rýdnyı qalasyndaǵy №7 orta mekteptiń qazaq tili men ádebıeti pániniń muǵalimi Qymbat Birmanova men  tehnıkalyq jáne kásibı bilim salasynda Qostanaı polıtehnıkalyq kolledjiniń arnaıy pán muǵalimi Ekaterına Rıjenko óziniń joǵary biliktiligin moıyndata bildi. Brıfıngte respýblıkalyq syrttaı baıqaýdyń jeńimpazdary jýrnalısterge ózderiniń pedagogıtkalyq qyzmetindegi negizgi bastamalary týraly aıtyp berdi. Qymbat Islambekqyzy men Ekaterına Terentevna pedagogıkalyq tájirıbelerinde bilim alýshylarǵa oqý jáne ǵylymı-kópshilik aqparatty tabýǵa izdengende, ony óńdep ári usyný úshin ınnovasııalyq ádisterdi belsendi paıdalanalady. Ustazdardyń bilimdiligi, bilimdarlyǵy, biliktiligi, eńbekqorlyǵy, adamdarǵa jýyqtyǵy, til tabysa biletindigi oqý úderisin tıimdi jáne tanymdy etýmen birge ujymda ózin úzdik jáne kásibı ustaz atanýǵa yqpal etedi. Baıqaý jeńimpazdary jýrnalısterdiń kóptegen suraqtaryna jaýap berdi. «О́rleý» BAUO AQ fılıaly Qostanaı oblysy boıynsha PQ BAI dırektory Marıonella Slesar: «О́z mamandyǵyńda úzdik shyǵý, árıne, jaqsy. Biraq munyń jaýapkershiligi óte joǵary. Ustazdyń eńbeginiń qanshalyqty aýyr ekendigin men aıtyp jatpaı-aq qoıaıyn. Bizdiń ustazdar ýaqyt talabyna ilesýdi maqsat tutady. Balalarǵa sapaly bilimdi bilikti ustazdar beredi. Sol úshin jas muǵalimderdiń óz mamandyǵyn súıip, úzdikterge elikteýin qalar edim», – dedi. Názıra Járimbetova. Derek, sýret: egemen.kz.