Elimizdiń bolashaǵyn  birge jasaımyz

Jalyn jiger, jas túlek Almaty qalasynda «Nur Otan» demokratııalyq partııasy XVI seziniń elimizde sáýir aıynda ótetin kezekten tys prezıdent saılaýyna qatysty qabyldaǵan sheshimine qoldaý kórsetý sharasy retinde jastar flesh-mob uıymdastyrdy. «Dostyq úıine» jınalǵan belsendi jastar qatarynda «Ja­rasym» respýblıkalyq jastar uıymynyń, Jastar saıasatyn damytý ortalyǵynyń, qaladaǵy túrli etnomádenı birles­tikterdiń músheleri jáne joǵary oqý oryndarynyń stýdentteri boldy. Qazaqstandy meken etken túrli ult ókilderiniń ulttyq kıimderin kıip, elimizdegi birlik pen berekeniń sımvoly retinde qazaqy Shańyraqty áýelete kótergen jastar búgingi qoǵamnyń tańdaýyn, qazirgi qazaqstandyq jas urpaqtyń nıet-tilegin jańasha mánerde beınelep, «Nur Otan» partııasynyń ustanǵan saıası baǵdary men alǵan baǵytyna qoldaý bildirdi. – Bıylǵy jyldy elimizde Qazaq handyǵynyń qurylǵanyna 550 jyl, Qazaqstan halqy Assambleıasynyń jyly jáne Uly Jeńisti atap ótý sekildi eldikti, turaqtylyq pen tynyshtyqty nasıhattaıtyn aıtýly merekelermen atap ótkeli otyrmyz. Búgingi jas urpaq óz keleshegin damyǵan ári mádenıeti men yntymaǵy jarasqan Qazaqstanmen tyǵyz baılanystyrady. Biz bastaýysh partııanyń búgingi jasaǵan sheshimine shyn nıetimizben qoldaý kórsetemiz, – deıdi «Jarasym» respýblıkalyq jastar uıymynyń ókili Zýlfııa Taıypova. El aǵalarynyń qabyldaǵan sheshimin qoldaýǵa jıylǵan jastar búginde elimizde bilim men ǵylymǵa, jas­tar saıasatyna, jas kásipkerlerdi keńinen qoldaýǵa jasalyp otyrǵan jaǵdaıdyń kemeldigine kóńilderi tolatyndyqtaryn, Qazaqstan jastaryna jarqyn ómir súrý úshin múmkindiktiń mol ekendigin sóz etisti. Qanat ESKENDIR, «Egemen Qazaqstan». ALMATY. Sýretti túsirgen Iýrıı BEKKER.

Shattyq sharasy

Kezekten tys prezıdenttik saılaýǵa «Nur Otan» partııasynyń Memleket basshysy, partııa jetekshisi Nursultan Nazarbaevtyń kandıdatýrasyn usynýy barsha qazaqstandyq zamandastaryndaı qaraǵandylyq jastar arasynda da zor qoǵamdyq órleý týǵyzdy. Bul sheshimdi rızalyq sezimmen qarsy alý oblys ortalyǵyndaǵy «Jastar» sport saraıynda ótken flesh-mobta aıryqsha tanyldy. Jastar uıymdarynyń ókilderi, óndiris jáne oqý oryndarynyń jumysshylary men shákirtteri «Biz N.Á.Nazarbaevty qoldaımyz», «Elimizdiń bolashaǵyn birge jasaımyz», «Alǵa, Qazaqstan!» dep bári júreginen shyqqan ortaq únge qosylyp, kókirekterin kernegen aq tilekterin jetkizdi. – Halyq qalaýyna oraı osy tańdaýdy kútken edik. О́zimiz sııaqty erteńine úmiti úlken jas memleketimizdiń qadamyn nyǵaıtyp, aıqyn baǵytta alǵa bastaý­shy Nursultan Ábishuly Nazarbaevqa senimimiz árdaıym berik. Aksııaǵa osyndaı azamattyq ustanymymdy bildirýge keldim. Barlyǵymyzdyń da Elbasy saılaýǵa qatyssa eken degen oı-maqsatymyzdyń kóńilden shyqqanyna qýanyp turmyn, – dedi Qaraǵandy memlekettik medısınalyq ýnıversıtetiniń oqý ozaty Azamı Rasýlova. Onymen birge, flesh-mobty uıym­dastyrýǵa belsene qatysýshy qalalyq jastar «Memlekettik qyzmet mektebi» jetekshisi Radık Qadylbekov «Qazaqstanymyzdyń odan ári órkendeýi men damýyn Tuńǵysh Prezıdentimiz N.Á. Nazarbaev qana atqara alatynyna kózimiz jetip keledi. «Halyq qatesiz synshy» degendeı saılaýda tańdaý durys bolýyna senemiz. Bizdiń basty maqsatymyz – úlgili eńbek etý arqyly el ıgiligin arttyrý. Otanymyzdyń jarqyn bolashaǵyn Elbasymen birge jasaýǵa daıynbyz. Bul sharada sony tanyttyq, – dep qurby-qurdastary oı-baılamdaryn bildirdi. Flesh-mobqa qatysýshylar jastar muraty birliginen kórinister qoıyp, óner kórsetti. Aıqyn NESIPBAI, «Egemen Qazaqstan». QARAǴANDY.

«Biz oryndy sheshimdi qoldaımyz!»

Qostanaı qalasyndaǵy «Dostyq úıi» aldyna jınalǵan jas­tar qolyna túrli-tústi gúlder, alqyzyl lentalar ustap, flesh-mob ótkizdi. Jastyq báısheshekteı sulý edi. Kóktem men qystyń aıqasyndaı ótkir jel de, qardyń ketpegen aıazy da jastardyń túrli ulttar áýeni yrǵaǵymen bıleýine kedergi bola almady. Osylaı Qostanaı jastary ortalyq alańǵa shyǵyp, «Nur Otan» partııasy HVI seziniń sheshimderine qoldaý bildirdi. «Alǵa, Qazaqstan!», «Gúldene ber, Qazaqstan!», «Biz «Nur Otan» partııasy seziniń sheshimderin qoldaımyz!» degen daýystar jarqyn shyǵady. Flesh-mobty oblystaǵy «El erteńi» qoǵamdyq birlestigi uıymdastyrdy. – Qazaqstan úshin basty baılyq bar. Ol – qazaq halqymen birge keń dalamyzdy jaılap, bir atanyń balalaryndaı bir qudyqtan sý iship, bir aýany jutyp otyrǵan túrli ulys ókilderiniń judyryqtaı jumylǵan dostyǵy, birligi! «Nur Otan» – elimizdiń birligin arttyrýda, ekonomıkanyń alǵa basýyna kóp yqpal etip otyrǵan jetekshi partııa. Onyń HVI sezi elimizdiń jarqyn bolashaǵy úshin mańyzdy sheshim jasady. Biz ony qoldaıtynymyzdy qostanaılyqtarǵa osylaı bildirgimiz keldi, – deıdi jastardyń «El erteńi» qoǵamdyq birlestiginiń jetekshisi Bolat Qalıev. Flesh-mobty qyzyqtaýǵa kóptegen qostanaılyqtar jınaldy. – Jastardyń bul qoldaýy óte oryndy. Eldegi mańyzdy ózgeristerge, saıası qadamdarǵa jastar qoldaý bildirýi, qatysýy kerek! Búgingi istiń barlyǵy da bolashaq úshin jasalyp jatyr. Jastar lapyldap janbasa, jastyqtyń oty bolmasa, Qazaqstandy álemge kim tanytpaq?! – dedi belgili mádenıet qyzmetkeri Shamıl Fahrýtdınov. Aınalany kóńildi ánmen birge jastardyń jarqyn daýsy kernep turdy. Bultsyz, kók zeńgir tunyq aspan jastar flesh-mob ótkizgen alańǵa tóńkerilip turǵandaı. Qazaqstannyń qylaýsyz beıbit aspany! Názıra JÁRIMBETOVA, «Egemen Qazaqstan». QOSTANAI.

Aq tilek

«Nur Otan» partııasynyń HVI sezi jumysyn aıaqtasymen 1000-nan astam jastar Kókshetaýdaǵy Dostyq úıiniń alańynda sezd delegattarynyń Qazaqstan Respýblıkasy Prezıdent­tigine úmitkeri retinde partııa jetekshisi Nursultan Ábishuly Nazarbaevtyń kandıdatýrasyn usyný týraly sheshimin qoldap, flesh-mob ótkizdi. Bul saıası sharaǵa Qazaqstan halqy Assambleıasynyń Aqmola oblystyq jastar qanaty, jastar uıymdarynyń ókilderi, JOO stýdentteri, kolledjder men kásibı mektepterdiń oqýshylary qatysty. Jas urpaq belsendileri óz eli­niń barlyq jetistikterin is bary­syndaǵy Prezıdent, Elbasy Nursultan Nazarbaevpen baılanys­tyratyndyqtaryn málimdedi. El­basy­nyń halyq aldyndaǵy jeke jaýap­kershiliginiń arqasynda Qazaqstan búginde álem qaýymdastyǵy moıyndaǵan beıbit ári turaqty memleketke aınaldy. Memleket basshysy óziniń Prezıdent bolyp taǵaıyndalǵan alǵashqy kúninen bastap jastardy qoldaý memlekettik saıasattyń basym baǵyttarynyń biri ekendigin aıqyndap, ony naqty istermen júzege asyryp keledi. Elbasynyń sarabdal saıasatynyń arqasynda Qazaqstanda jastar saıasaty boıynsha zańnamalyq qujattardyń tujyrymdamalyq bazasy qalyptasyp, QR «Memlekettik jastar saıasaty týraly» Zańy, «Qazaqstan-2020: bolashaqqa jol» memlekettik jastar saıasatynyń 2020 jylǵa deıingi tujyrymdamasy qabyldandy. «Jastar is-tájirıbesi», «Jasyl el», «Bıznestiń jol kartasy-2020», «Dıplommen – aýylǵa!», «Bolashaq», «Serpin», «Qoljetimdi bas­pana» baǵdarlamalary men jobalary shýaqty jemisin tógýde. Mıtıngte sóz alǵan oblystyq jas­tar resýrstyq ortalyǵynyń dırektory Tımýr Ysqaqov, tatar mádenı ortalyǵy jastar qanatynyń belsendisi Ramıl Dýsýmov, shyǵarmashylyq jas­tar ókilderi Oljas Sabıjanov, Sáýle Kárimjanova, Altynbek Bektemir jáne basqalary Aqmola jastary ózderiniń bolashaqqa degen úmitterin Elbasynyń atymen ǵana baılanystyratynyn aıtty. Dostyq úıiniń alańy mıtıngke qatysýshylardyń «Tek Nursultan Ábishuly Nazarbaevtyń sarabdal saıasatynyń arqasynda ǵana Qazaqstan sáttilikterge qol jetkizip, álemniń damyǵan 30 eliniń qataryna qosylady», degen jalyndy sózderimen jańǵyryp turdy. Baqbergen AMALBEK, «Egemen Qazaqstan». Aqmola oblysy. Sýretti túsirgen Tólegen QOSShYǴULOV.

Mańǵystaýlyq órender ónegesi

«Nur Otan» partııasynyń XVI sezinde Memleket basshysy N.Nazarbaevtyń sáýir aıyndaǵy kezekten tys prezıdent saılaý­yna qatysýǵa kelisimin berýi mańǵystaýlyq jastar tarapynan qoldaý tapty. Osyǵan oraı, Mańǵystaý oblysynyń jastar saıasaty basqarmasynyń bastamasymen eki myńǵa jýyq adam qatysqan arnaıy flesh-mob uıymdastyryldy. Teńiz jaǵasyndaǵy alańda ótken aksııaǵa qatysýshylar túrli oqý oryndarynyń stýdentteri men eńbek maıdanyna aralasqan jas mamandar, sondaı-aq, jasotandyqtar jáne jastar qozǵalysynyń belsendileri. Qoldaryna «Mańǵystaý qoldaıdy» degen jazýlardy kótergen jastar patrıottyq ánderdi shyrqady. Aqtaýdaǵy aksııaǵa arnaıy kelgen jańaózendik jas reperler Prezıdentke jastardyń atynan rep oqysa, jas sportshylar kóshe sportynyń túrleri boıynsha sheberlik synyptaryn ótkizip, skeıtbord, vorkaýt jáne taǵy basqa sport túrlerinen ónerlerin kórsetti. Jastar jıylyp, Elbasyna qoldaý bildirgen jıyn barysynda «Jas Otan» jastar qanatynyń ókilderi úgit-nasıhat jumystarymen aınalysatyn eriktilerdi tirkeıtin mobıldi pýnkt ashsa, graffıtıstter qazaqstandyqtarǵa arnalǵan quttyqtaý ashyq hatyn saldy. Elbasyn qoldaýǵa daıyn ekendikterin kórsetken jastardyń atynan sóz alǵan Mańǵystaý oblysyndaǵy «Jas Otan» jastar qanatynyń ókili Muqash Oralbaev «Biz Nursultan Ábishulynyń 26 sáýirde bolatyn saılaýǵa qatysatynyna óte qýanyshtymyz. Mańǵystaý jastary Elbasymyzǵa qoldaý kórsetý úshin bar kúshimizdi jumyldyramyz» dese, «Iri kásiporyndardaǵy jas mamandar keńesi tikeleı Elbasy bastamasymen quryldy. Sondyqtan jastar Prezıdentke rıza. Búgingi aksııaǵa sáýir aıynda ótetin Prezıdent saılaýyna kandıdatýrasyn usynǵan Nursultan Ábishulyn ujymymyzdyń atynan qoldaý úshin keldik, deıdi «MańǵystaýMunaıGaz» AQ jas mamandar keńesiniń ókili Ǵanı Abdysalyqov. Gúlaıym ShYNTEMIRQYZY, «Egemen Qazaqstan». Mańǵystaý oblysy. Sýretti túsirgen Serik MAIEMEROV.

Syr túlekteri Elbasymen birge

Qyzylorda oblysynyń belsendi jastar uıymdarynyń bastaýymen­ ortalyq alańda flesh-mob ótti. Shara­nyń negizgi maqsaty – jastarǵa saılaýdyń mańyzdylyǵyn jetkizip, Prezıdent saılaýyna «Nur Otan» partııasy atynan Nursultan Nazarbaevtyń kandıdatýrasynyń usynylýyn qol­daý bolatyn. Sonymen qatar, jańa qazaq­standyq patrıotızmdi, ulttyq rýhty qalyptastyrý, egemendi elimizdiń qol jetkizgen jetistikterin dáripteý, óskeleń urpaqty Otanyn, elin, jerin súıýge úgitteýdi de kózdegen. Flesh-mobqa belsendi jastar uıym­darynyń jetekshileri, erikti jastar,­ jas­tar komıtetteri men jastar parlamentiniń depýtattary barlyǵy 500-deı adam qatysty. Jastar aldynda sóz alǵan «Jas Otan» jastar qanaty Qyzylorda qalalyq fılıalynyń atqarýshy hatshysy Álisher Kardashov Prezıdent saılaýynda árkimniń azamattyq pozısııasyn tanytý el tarıhy úshin mańyzdy ekenin jáne úlken jaýapkershilik júkteıtinin erekshe atap ótti. Osy kúni qyzylordalyq jastardyń taǵy bir bóligi «Small» saýda ortaly­ǵynda «Meniń elim – Máńgilik el!» atty flesh-mob ótkizdi. Bul da keleshek urpaqtyń týǵan jerge degen súıispenshiligin arttyra otyryp, táýelsiz Qazaqstandy maqtanyshpen jyrlap, «Qazaqstan-2050» jalpyulttyq qozǵalysyn nasıhattaýdy kózdegen shara boldy. Flesh-mobqa qatysýshylar «l love Kazakhstan», «Máńgilik El», «I love KZ» sekildi kórneki quraldar men jalaýshalar ustap, týǵan eliniń tuǵyrly, táýelsizdiktiń ǵumyrly bolýyna atsalysatyndaryn bildirdi. Erjan BAITILES, «Egemen Qazaqstan». QYZYLORDA.

О́r Altaıdan estilgen ór daýys

Shyǵys óńiriniń jastary «Nur Otan» partııasynyń XVI sezinde qabyldanǵan sheshimge biraýyzdan qoldaý kórsetti. Abaı eskertkishiniń aldynda ótken «Bir tolqynda» aksııasyna oblystyq Qazaqstan halqy Assambleıasynyń «Yntymaq-Sodrýjestvo» jastar qanaty, Dostyq úıi men etnomádenı birlestikterdiń belsendi jastary uıytqy boldy. Kezekten tys prezıdenttik saılaýǵa N.Nazarbaevtyń kandıdatýrasyn usyný týraly sezd sheshimin qýattaǵan jıynǵa О́skemen qalasynyń stýdent jáne jumysshy jas­tarynan quralǵan 5 myńǵa jýyq adam qatysty. Aksııa barysynda aǵaıyndy Abdýl­lınder atyndaǵy kolledjdiń stýdenti Alpys Jaqııanov: – Buıyryp barlyǵyńa adal násip, Ketpesin bázbireýler arańdy ashyp, «Nurly Jol» barshamyzǵa nuryn tógip, Jasasyn Qazaqstan, alǵa qadam basyp! – dep ózi jazǵan jyr joldaryn shabyttana oqysa, Ázerbaıjan etnomádenı birlestiginiń ókili Jamaladdın Ásker Elbasynyń ultaralyq kelisim saıasatynyń arqasynda óńirdegi barsha ult pen ulys ókilderiniń bir shańyraq astynda tatý-tátti turyp jatqanyn erekshe atap ótip, sezd sheshimin qoldaıtyndyǵyn jetkizdi. – Men táýelsiz Qazaq elinde týyp-ós­tim. О́z Otanymdy, qazaq tili men mádenıetin janymdaı jaqsy kóremin. «Nur Otan» partııasynyń sheshimi – dostyq pen tatýlyqtyń sheshimi, – dedi óz kezeginde S.Amanjolov atyndaǵy ShQMÝ fılologııa fakýltetiniń stýdenti Iýlııa Mıronova. Sondaı-aq, aksııaǵa qatysýshylarǵa ulttyq oıý-órnekpen ádiptelgen lenta taratyldy. Oblystyq ishki saıasat basqarmasy jastar bóliminiń jetekshisi Jasulan Sársebaevtyń aıtýynsha, kógildir taspa – elimizdiń táýelsizdigi men qazaqstandyqtardyń tonnyń ishki baýyndaı birliginiń nyshany ispetti. Al О́skemendegi «AZIIа AVTO»  avto­­za­ý­ytynyń jastary sezd sheshimin qoldaý maqsatynda avtosherý uıymdastyrdy. Otandyq sý jańa avtokólikterge mingen olar kók baıraqty jelbiretip, qalanyń turǵyndar eń kóp júretin oryndaryna aıaldap, ulttyq naqyshtaǵy lentalardy úlestirdi. Aksııa sheńberinde shyǵysqazaq­stan­dyq jastar patrıottyq ánder shyrqap, bı bılep, flesh-mob ótkizdi. Sondaı-aq, «Bir tolqynda» aksııasy aıasynda Semeı, Rıdder jáne Zyrıan qalalarynda avtosherý ótti. Dýman ANASh, «Egemen Qazaqstan». Shyǵys Qazaqstan oblysy. Sýretti túsirgen Esimhan ORYNBAEV.