О́reli eńbek

Taldyqorǵanda Parlament depýtaty Serik Úmbetovtiń «Oı ıirimderi» atty kitabynyń tusaýkeser rásimi bolyp ótti. Ony Almaty oblystyq Tilderdi damytý jónindegi basqarmasynyń basshysy Ahmet Kendirbekuly ashyp, júrgizip otyrdy. Qalyptasqan dástúr boıynsha, óńirdegi aǵa býyn ókilderi kezek­tese atalǵan kitap týraly ózin­dik oı-pikirlerin aıtyp, kitapqa jaqsy baǵalaryn berdi. Árıne, kúni keshe Serik Úmbetovpen qyzmettes bolyp, tálimdi isin, eń bastysy, qaza­qy salt-dástúr, ádet-ǵuryp syndy qun­dylyqtardy berik ustanatyndyǵyn kózderi kórip, ónege alǵan jandar júrekjardy lebizderin jarysa aǵytty. Sóıtip, dóńgelek ústel otyrysynda atpal azamattyń adamı asyl qasıetteri men ómirdiń ózinen oıyp alyp, saraptap, saralap qaǵazǵa túsirgen eńbegi teń órildi. Ol – zańdy qubylys. Olaı bolatyny kitaptyń avtory Serik Úmbetov esiminiń astyna «Oı ıirimderi» degen kitap ataýynyń qoıylýy óte laıyqty hám jarasymdy. Sebebin dáleldep jatýdyń ózi artyq. Alty taraýdan turatyn kitap­­­­­­taǵy ár taqyryptyń astynda jeteli oı jatqanyn, retine oraı mektep oqýshylary men stýdentterdi ult­tyq rýhta tárbıeleýge bastaý bola­tyndyǵyn da sóılegender jetkize aıta bildi. Bul kitaptyń taǵy bir ar­­tyq­shylyǵy – derekteriniń naq­ty­­lyǵy. Ony kitapsúıer qaýym avtor­dyń qandaı jaǵdaıda bolsyn kóke­ıine dóp kelgen sózdi sol zamatyn­da qoıyn dápterine túsirip alatyn­dyǵymen rastady. Bile-bilsek, bul da úlgi tutar uqyp­tylyq ekeni anyq. О́mirden kórgeni men túıgeniniń moldyǵynyń taǵy bir aıǵaǵy. Sonymen, dóńgelek ústel otyrysyn Almaty oblysy ákiminiń orynbasary Baqtııar О́nerbaev Tóle bıdiń Eskeldi bıge ulttyq ulaǵat turǵysynda bergen batasymen baılanystyra kelip, sózin: «Bul kitap kúndelikti ómirge, ásirese, ıdeologııaǵa kerek týyndy eken. Osy kitap arqyly Serik Ábikenulyn tereńirek tanı tústim», dep túıindedi. Nurbol ÁLDIBAEV, «Egemen Qazaqstan». TALDYQORǴAN.