«Astana» endi «Benfıkamen» oınaıdy

Burnaǵy kúni Monakoda fýtboldan Chempıondar lıgasynyń toptyq kezeńdegi jerebesi tartyldy. Ol «Astana» klýbynyń endigi qarsylastary Lıssabonnyń «Benfıka», Madrıdtiń «Atletıko» jáne Ystambuldyń «Galatasaraı» komandalary bolǵaly turǵanyn anyqtap berdi. Biz bul jaıynda tarqatyp aıtpaı turyp, aldymen aldyńǵy kúni Almatyda jergilikti «Qaırat» komandasynyń fransýzdyń «Bordosymen» Eýropa lıgasy pleı-off oıyndarynyń qarymta matchyn ótkizip, 2:1 etip jeńgenin, biraq eki kezdesýdiń qorytyndysy boıynsha toptyq kezeńge óte almaǵanyn baıandaı ketkimiz keledi. Buǵan munyń aldynda Bordoda ótken oıynda qar­sylastarymyzdyń 1:0 esebimen jeńgeni, olardyń sosyn qonaqta salǵan bir goldyń esebinen alǵa shyqqandary sebep boldy. Soǵan qaramastan, qaırattyqtar óte jaqsy oıyn órnegin kórsetkenin aıta ketýimiz kerek. Onyń barysynda jerlesterimiz tipti 2:0 etip utyp ta tur­dy. О́kinishtisi sol, osy esepti oıyn sońyna deıin ustap tura almady.  Degenmen, óz eliniń 17 dúrkin chempıony degen ataǵy bar «Bordo» sekildi dástúri baı komandamen teń dárejede oınaýdyń ózi «Qaırattyń» deńgeıi kóterile túskenin kórsetedi. Al Peter Shmeıhel men Melanı Vınıger júrgizgen Monakodaǵy jerebe 32 komandany 8 topqa bólip berdi. Sonyń ishinde «Astana» S tobyna tústi. Ol munda ózi sekildi taǵy 9 komandamen birge irikteý kezeńiniń ótkeleginen ótip kelse, 21 komanda birden qosyldy. Al «Sevılıa» bıylǵy kóktemde Eýropa lıgasynda jeńimpaz atanýy arqyly osy saptan oryn aldy. Sonymen, toptar bylaısha túzildi: A toby: «Parı Sen-Jermen» (Fran­sııa), «Real» (Ispanııa), «Shahter» (Ýkraına), «Malmıo» (Shvesııa); V toby: PSV (Nıderland), «Man­chester Iýnaıted» (Anglııa), SSKA (Re­seı), «Volfsbýrg» (Germanııa); S toby: «Benfıka» (Portýgalııa), «Atletıko» (Ispanııa), «Galatasaraı» (Túrkııa), «Astana» (Qazaqstan); D toby: «Iýventýs» (Italııa), «Man­chester Sıtı» (Anglııa), «Sevılıa» (Is­panııa), «Borýssııa» (Menhengladbah, Germanııa); E toby: «Barselona» (Ispanııa), «Baıer» (Germanııa), «Roma» (Italııa), BATE (Belarýs); F toby: «Bavarııa» (Germanııa), «Arsenal» (Anglııa), «Olımpıakos» (Grekııa), «Dınamo» (Zagreb, Hor­vatııa); G toby: «Chelsı» (Anglııa), «Portý» (Portýgalııa), «Dınamo» (Kıev, Ýkraına), «Makkabı» (Tel-Avıv, Izraıl); H toby: «Zenıt» (Reseı), «Valensııa» (Ispanııa), «Lıon» (Fransııa), «Gent» (Belgııa). Toptyq týrnır birinshi týrynyń oıyndary 15-16 qyrkúıek kúnderi oı­na­lady. «Astana» 15 qyrkúıekte Por­tý­­galııanyń astanasy – Lıssabonda «Benfıkamen» kúsh synasady. Sonymen, S tobyndaǵy týrnır kún­tizbesi mynadaı: 15 qyrkúıek. «Galatasaraı» – «Atletıko», «Benfıka» – «Astana». 30 qyrkúıek. «Astana» – «Gala­tasaraı», «Atletıko» – «Benfıka». 21 qazan. «Atletıko» – «Astana», «Galatasaraı» – «Benfıka». 3 qazan. «Astana» – «Atletıko», «Benfıka» – «Galatasaraı». 25 qazan. «Atletıko» – «Galatasaraı», «Astana» – «Benfıka». 8 jeltoqsan. «Galatasaraı» – «Asta­na», «Benfıka» – «Atletıko». Toptyq jarystar 9 jeltoqsanda aıaqtalady. Eske sala keteıik, «Astana» toptyq kezeńge shyǵýyna baılanysty ÝEFA reıtıngisinde birden 44 saty ilgeri jyl­­jyp, 178-orynǵa kóterildi. Osy­nyń arqasynda Qazaqstan komandalary 30-orynǵa turaqtady. Sonymen birge, bizdiń komanda joǵaryda atalǵan tabysy úshin 13 mln. eýro kóleminde syıaqyǵa ıe boldy. Damır QOJAMQUL.