Kún tártibi naqtylandy

Májilis Tóraǵasy Qabıbolla Jaqypov­tyń tóraǵalyǵymen Májilis bıýrosy ótip, onda aldaǵy jalpy otyrystyń kún tártibi naqtylandy, dep habarlady osy palatanyń baspasóz qyzmeti. Depýtattar nazaryna «Tórelik týraly» zań jobasy ilespe qujatpen birinshi oqylymda usy­nylady. Sonymen qatar, depýtattar múgedekterdiń quqyqtaryn qorǵaý máseleleri boıynsha túzetýlerge qatysty zań jobasyn ekinshi oqylymda qaraıdy. Májilis depýtattary Qazaqstan men Halyq­aralyq qaıta qurý jáne damý banki arasyndaǵy Qaryz týraly kelisimdi (Shaǵyn jáne orta kásiporyndardyń básekege qabilettiligin arttyrý jobasy) ratıfıkasııalaıdy dep mejelenýde. Bul rette, birqatar ratıfıkasııalyq qujattar jumysqa qabyldanbaq. Olar: Azııa ınfraqurylymdyq ınvestısııalar banki kelisiminiń baptaryn, sonymen birge, kólik quraly pasportynyń (kólik quralynyń shassıi pasportynyń) jáne ózi júretin mashına men tehnıkanyń basqa da túrleri pasportynyń biryńǵaı nysandaryn engizý jáne elektrondyq pas­porttar júıelerin uıymdastyrý týraly kelisimdi ratıfıkasııalaýǵa qatysty bolmaq. Jalpy otyrystyń kún tártibine ekologııa bo­ı­yn­sha túzetýlerge baılanysty jumysty jal­ǵas­tyrý máselesi de engizildi.