Aıdyn jáne aıbyn

Osydan 22 jyl buryn Qazaqstan Respýblıkasy Prezıdentiniń Jarlyǵymen Qazaqstan Respýblıkasy Qarýly Kúshteriniń túri retinde Áskerı-teńiz kúshteri (ÁTK) qurylǵan bolatyn. Kaspıı óńiri Qazaqstan men álemdik memleketterdiń ekonomıkasy úshin aıryqsha mańyzǵa ıe. Teńizdi qorǵaýdy qamtamasyz etý úshin elimizde zamanaýı Áskerı-teńiz kúshterin qurý qajettiligi týyndady. ÁTK-niń basty mindetteri memlekettiń derbes shekarasyn, aýmaqtyq tutastyǵyn, egemendigin jáne Kaspıı teńiziniń qazaqstandyq sektoryndaǵy Qazaqstan Respýblıkasynyń eko­nomıkalyq múddelerin qorǵaý bolyp tabylady. Áskerı-teńiz kúshteri josparly túrde damyp keledi, onyń ishinde kemelerdiń qurylysy jáne olardy satyp alý boıynsha qarqyndy jumystar júrgizilýde. Sońǵy úsh jyl ishinde otan­dyq «Zenıt Oral zaýyty»» AQ kásipornynda jasalǵan úsh zymyrandy-artıllerııalyq keme qatarǵa qosyldy. Sonymen qatar, Reseıdiń keme jasaý zaýyttarynda «Alataý» mınalyq-tartqysh kemesi qoıyldy, budan ózge, soqqy beretin qarýy bar kemelerdi jasaý múmkindigi zerdelenýde. Keshe Aqtaýda gúl shoqtaryn qoıý, parad lekteriniń saltanatty merekesi jáne merekelik konsertti quraıtyn saltanatty sharalar ótti. Aqtaý garnızonyna qaras­ty bólimder basshylyǵy áske­rı qyzmetshilerdi kásibı mere­kesimen quttyqtap, Qazaqstan Respýblıkasy Qarýly Kúshteri Áskerı-teńiz kúshteriniń jeke quramynyń aldyna qoıyl­ǵan mindetterdi múltiksiz at­qaratyndyǵyna, elimizdiń batys óńirin qorǵap, ózderiniń jaý­yngerlik, kásibı sheberlikterin turaqty jetildiretindigine senim bildirdi. «Egemen-aqparat».