Rahmet saǵan, dáriger!

Júrekke operasııa jasaıtyn Almatydaǵy túrik-qazaq emhanasyna tústim. Osy jerde ólim kózine elestegen adamnyń ómiri úshin kúreske túsken aq halatty abzal jandarǵa tap keldim. Osyndaıda shirkin-aı, osydan turyp ketsem, bar jaqsylyqty osy kisilerge jasar edim dep oılaısyń. Árıne, densaýlyǵy qyl ústindegi adamnyń júreginen shyqqan rııasyz aq alǵysynan basqa qolda ne bar... Meniń aıtpaǵym, osynda júregime ota jasaǵan jas kardıohırýrg Erkebulan Ma­ǵaýın týraly edi. Erkebulan mektepti bitirgen soń Almaty qalasyndaǵy S.Asfendııarov atyndaǵy medýnıversıtettiń emdeý isi fakýltetine oqýǵa túsip, prezıdent stıpen­dııa­synyń ıegeri atanyp, úzdik dıplommen bitirip shyǵady. Jas hırýrgtiń ákesi Ken­jebek Maǵaýııauly osy «Blago­darnoe» aýrýhanasynyń bas dári­geri. Shıpaly qolymen talaı syrqatqa em jasap júr­gen bilikti azamat. Sheshesi Qaıyr­gúl Qusmanqyzy el alǵysyn arqalaǵan meıirimdi medbıke. Qazaqta «Áke kórgen oq jonar» degen ulaǵatty támsil sóz bar. Bala bolsa da áke-sheshesiniń mamandyǵyna kózi úırengen Erkebulannyń júregi qalap alǵan mamandyǵyn abyroımen atqaryp jatqanyna kózimiz jetti. Árbir adamdy qımas týy­syndaı aıalap, kún saıyn ózi jasaǵan otasynyń barysyn baıqap, aqyl keńesin aıta otyryp jaryq kúnniń jaqsy nuryn janyńa quıa biledi. Búginde men aýylyma, týǵan-týystarymnyń janyna oraldym. Janymdy maza­laǵan aýrýdan sál de bolsa aıyǵyp, bir jaqsy kún keship júrmin. Erkebulan Kenjebek­uly­nyń maǵan, men sııaqty aýrýy dendetken adamdarǵa jasaǵan otasy óte sátti shyǵyp, ómirge qaıta oralyp jatyr. Erkebulan bul jumysqa birden kelmepti, kishi medısınalyq jumystan bastap jedel járdem dárigeri qyzmetin atqarǵan. Kele-kele «Býrg Medıkal Sema Hospital» aýrý­­hanasynda kardıohırýrg min­detin biliktilikpen atqaryp júr. Osyndaı el densaýlyǵy úshin jan aıamaı eńbek etip júrgen azamatty tárbıelep, oqytyp adam janyna arasha dáriger etip shyǵarǵan Erkebulannyń ómirindegi oqytýshylaryna, ata-anasyna gazet arqyly rahmet aıtsam dep edim. Kardıohırýrg, emi shıpa elgezek jan Erkebulan Kenjebekulynyń eńbegine jemis, ómirine baqyt tileımin. Hamıt GEREEV. Shyǵys Qazaqstan oblysy, Úrjar aýdany, Maqanshy aýyly.