«Myń jylda bir bolatyn toı» Cheshenstanda ótti

Bireý úılengen eken, onda turǵan ne bar deımiz ǵoı. Biraq Cheshenstanda aýdandyq polısııanyń bastyǵy 47 jastaǵy Najýd Gýchıgovtyń 17 jasar Heda (Lýıza) Goılabıevaǵa úılenýi qazir aqparat quraldarynyń, ásirese, áleýmettik jelilerdiń aıǵa jýyq ýaqyttan bergi basty taqyrybyna aınalyp otyr. Osy jerde Cheshen Respýblıka­synyń basshysy Ramzan Qadyrov­tyń sózin keltirý qajet bolyp tur: «Men búginge deıin ǵasyr toıy dep murager Ýılıam men Ketrın Mıdltondardyń nekelesý saltanatyn aıtýǵa bolar dep oılaýshy edim, – dedi ol óziniń Instragram-yn­da. – Biraq sońǵy biraz kúnniń oqı­ǵasy Najýd Gýchıgov pen Lýıza Goı­labıevanyń úılený toıy myń­jyldyq saltanaty bolatynyna senimdimin. Bul úılený toıyna qyzyǵýshylyq tanytqan BAQ sany qazir 1,5 myńnan asty. Avstralııadan, Monakodan habarlasyp jatyr. Groznyı qalasynda ótetin Najýd pen Lýızanyń nekesin qııý saltanatyna kelińizder!». Shaqyrýǵa respýblıka basshysy júrgen soń, shamasy kelgender baratyny anyq. Qalyńdyqty sol saltanatqa respýblıka basshysy ákimshiliginiń jetekshisi Mahomed Daýdov qoltyqtap apardy. Toıda Ramzan Qadyrovtyń ózi «Lezgınkany» bıledi. Sonda bas­qalar qaıtyp tursyn. Bári de shabyldy. Rasynda da, toı dań­ǵazalyqtyń bıik shyńyna kóterildi. Sonda bul toıǵa jurttyń nazary nege aýdy? О́tken sáýir aıynyń sońǵy kúnderinde «Novaıa gazeta» basylymynda onyń tilshisi Elena Mılashkınanyń Cheshenstannyń Novo-Iýrt aýdanyndaǵy Baıtarkı aýylynda bir mektep oqýshysyn jasy birazǵa kelgen aýdandyq polısııa bastyǵy áıel ústine almaq kórinedi, oǵan qyzdyń ata-anasy amalsyz kónedi eken, áıtpese, bularǵa polısııa bastyǵy qııanat jamasaq degen maqalasy shyǵyp, jurtty eleń etkizdi. Buǵan Ramzan Qadyrov aralasyp, aıryqsha belsendilik kórsetip, bul úılenýdiń zańǵa eshqandaı qaıshylyǵy joqtyǵyn, álemde bul ádettegi jaǵdaı ekenin túrli mysal­darmen «dáleldedi». Tipti, ataq­ty Alla Pýgachevanyń ózinen eki ese jas Maksım Galkınge tıgenin aıtady. Áńgime Reseı Konstıtýsııa­sy boıynsha nekege turý 18-den bastalatynynda. Qalyńdyq – 17-de. Zańsyzdyq. Ras, kámeletke tol­maǵandardyń nekege turyp jata­tyny bar. Barlyq jerde de ondaı­larǵa zań da keńshilik jasaıdy. Al Qadyrov óz qyzmetkeriniń áreketin zańǵa saı etip kórsetkisi keledi. Bul jerde Qadyrov jeke emes, ony Reseıdiń bala quqy jónindegi ókili Pavel Astahov ta qoldap otyr. Kavkazda emansıpasııa jáne jynystyq jetilý erte bolatynyn alǵa tosyp, bul nekeni zańǵa syıystyrǵan. Tipti, erte úılený kerek, áıtpese, 27 jasyńda kempir bolasyń degen pikir aıtyp, áıel qaýymnyń shamyna da tıgeni bar. Qazir sol Astahovty ornynan alý jóninde 15 myń adam qol qoıǵan petısııa prezıdent Pýtınge joldandy. Sirá, bul onyń túbine de jetetin shyǵar. Sóz basynda aıtqandaı, bireý úılengen eken, onda turǵan ne bar deýge de bolǵandaı-aý. Tipti, ymy­ramen de bitetin nárse. Sol Che­shenstanda budan basqa sheshe­tin másele joq pa deısiń. Ram­zan Qadyrovtyń osy istegeni belsen­diligi tańdandyrady. Zańsyzdyq­ty qoldaǵanda ne tabady? Osydan biraz buryn Qadyrov Reseı­diń basqa aımaǵynan kelgen quqyq­­tanýshylardy atý kerek dep te shý­latqan. Ýkraınanyń shyǵysyn­da cheshen eriktileri bar dep te maqtanǵan. Endi terrorshy Sarnaev­ty zańsyz jazaladyńdar dep AQSh-qa da qyr kórsetedi. Sirá, aıqaı-shý, dańǵazamen bedel kóterilmes.