Qaraǵandy oblysynda kıikti qyryp salǵandar quryqtaldy

QARAǴANDY. 19 qazan. Qaraǵandy oblysyndaǵy Nura aýdanynda tabıǵat qorǵaý polısııasynyń qyzmetkerleri men «Ohotzooprom» mekemesiniń ınspektorlary birigip júrgizgen reıd nátıjesinde kıik múıiziniń iri kólmedegi partııasy tárkilendi. Bul týraly oblystyq ishki ister departamentiniń baspasóz qyzmeti habarlady. «Brakoner» dep atalǵan jedel-saýyqtyrý sharasy barysynda polısııa qyzmetkerleri Barshyn aýylynyń mańynda kúdik týdyrǵan «Aýdı» avtokóligin toqtatyp, tintý júrgizgen. Tekserý barysynda Aqmola oblysynyń turǵyny tizgindegen avtokóliktiń júk salǵyshynan 12-kalıbrli ańshy myltyǵy, kıiktiń 38 dana múıizi jáne soıylǵan úsh aqbóken tabyldy. Qazirgi tańda tıisti saraptama sharalary taǵaıyndalyp, sotqa deıingi tergeý amaldary júrizilýde. Qaırat Ábildınov. Derek, sýret: Qaraǵandy oblystyq ishki ister departamentiniń baspasóz qyzmeti.