Qaraǵandy toı qushaǵynda

QARAǴANDY. 29 tamyz. Bıyl kenshiler qaýymynyń tól merekesi Konstıtýsııa kúnimen tuspa-tus keldi. Iаǵnı, Qaraǵandy qos merekege qyzý daıyndyq ústinde. Bul týraly egemen.kz tilshisi habarlady. Merekege arnalǵan konsertterdiń eń úlkeni ortalyq saıabaqta ótedi. «Ánim saǵan, Qaraǵandy!» án konkýrsy, «Molodye gody Karagandy» retro-konserti uıymdastyrylady. Keshkisin Qaraǵandy akademııalyq mýzyka teatrynda Qazaqstan Respýblıkasynyń eńbek sińirgen óner qaıratkerleri mýzykalyq komedııa teatrynyń jas solısteri óner kórsetedi. Sondaı-aq, S. Seıfýllın atyndaǵy dramteatrda «Ǵashyqtyń tili» komedııasy qoıylady. Sonymen qatar, haıýanattar baǵynda mádenı baǵdarmalamalar, kátpahanalar men mýzeılerde kórmeler uıymdastyrylmaq. Qala turǵyndary men qonaqtar úshin sporttyq sharalar da qarastyrylǵan. Konsıtýtsııa kúni «Qaraǵandy Arena» muz aıdyny saraıynda tegin konkı tebý sharasy ótedi. Sondaı-aq, bul kúnderi oblys ortalyǵynda aýyl sharýashylyq ónimderiniń jármeńkesi uıymdastyrylady. Merekelik toı-dýman 30 tamyz kúni keshkisin otshashýlarmen túıindelmek. Sodan keıin saǵat 24.00-ge deıin jastarǵa arnalǵan shoý-baǵdarlama josparlanǵan. Qaırat Ábildınov. Derek, sýret: egemen.kz.