Abdýlla Gúl: «Nursultan Nazarbaev – túrki ıntegrasııasynyń uıytqysy»

«Nursultan Nazarbaev – túrki ıntegrasııasynyń uıytqysy. Túrki keńesiniń qurylýyna, osy ıdeıalardyń júzege asyrylýyna, ásirese, Prezıdent Nursultan Nazarbaevtyń sińirgen eńbegi zor boldy dep aıta alamyn». Túrkııa Respýblıkasynyń 11-shi Prezıdenti, kórnekti memleket qaıratkeri Abdýlla Gúl keshe halyqaralyq Túrki akademııasynda ótken kezdesýde osylaı dedi. «Odan keıin Túrki Keńesiniń sheńberinde TúrkPA sııaqty ınstıtýttardy qurdyq. Sonyń ishinde Prezıdent Nursultan Nazarbaevtyń úlken mán bergen ınstıtýty  – Túrki akademııasy. Onyń bul ıdeıasyn men de qoldap, Astananyń tórinde, osyndaı ádemi ǵımaratta akademııany ashtyq. Qazaqstanda ornalasqanymen bul akade­mııanyń jumysy búginde kúlli Túrki dúnıesin qamtyp otyr. Qysqa ǵana ýaqytta kóp­tegen ma­ńyzdy is-sharalar ótkiz­dińiz­der», – dedi Abdýlla Gúl myrza. Onyń aıtýynsha, túrkiler adamzattyń damýyna ólsheýsiz úles qosyp, baǵa jetpes muralar qaldyrǵan. Olardy túgendeý, álem jurtshylyǵyna pash etý osy akademııanyń jumysy arqyly múmkin bolyp otyr. Kezdesýge belgili ǵalymdar, memleket jáne qoǵam qaırat­kerleri Myrzataı Joldasbekov, Ádil Ahmetov, Seıit Qasqabasov, Saýytbek Abdrahmanov, Erlan Sydyqov, Ǵarıfolla Esim, Shákir Ibraev jáne basqa birqatar zııaly qaýym ókilderi qatysyp, óz pikirlerimen bó­listi. Akademııa basshysy már­tebeli meımandarǵa túrki dú­nıesiniń bilim jáne ǵylym salasyn úılestirýshi uıymdaǵy atqarylǵan mańyzdy is-sharalar jóninde baıandap ótti. Qazaqstandyq ǵalymdar atynan sóz alǵan Myrzataı Jol­dasbekov Nahıchevan sam­mıtinen bastaý alǵan túrki ıntegrasııalyq úderisteriniń mańyzdylyǵyna toqtaldy. О́z kezeginde Abdýlla Gúl myrza qurylǵanyna bes jyl tolyp otyrǵan akademııa ujy­myna rızashylyǵy men tilegin bildirdi. Jıyn sońynda halyqaralyq Túrki akademııasy tarapynan mártebeli meımanǵa qurmet kórsetildi. «Egemen-aqparat».