Elorda: saıabaqtar festıvali

Kóshe festıvaldary otbasylyq demalystyń zamanaýı qoljetimdi pishimine aınaldy. Qala kúni merekesi aıasynda bastaý alǵan osyndaı ıgilikti sharanyń biri – «Astana-Park Land» qalalyq saıabaqtar festıvali boldy. Elordadaǵy «Stýdenttik», «Araı», «Astanalyq» jáne «Ǵashyqtar» saıabaqtarynyń árqaısysynyń óz taqyryby bar. Mereke kúnderi olar etnosaıabaq, tarıhı saıabaq, dısko saıabaq jáne art-saıabaqqa aınaldy. Mereke kúnderi astanalyqtar men qala qonaqtary úshin ýa­qyt­ty qyzyqty da mazmundy ótkizý­diń barlyq múmkindikteri qa­ras­tyrylǵan. Ásem bezendirilgen kó­sheler men alańdar naǵyz ­teatr ­sahnalaryna, konserttik orta­lyq­­tarǵa aınalǵan. Shattyq qu­shaǵynda­ǵy elordanyń qaı aýda­ny­na barsa­ńyz da merekelik shat­tyqqa bólene­siz. Bul úrdis qala­lyq­ saıabaqtarda da keń kórinis tabýda. Festıval sheńberinde etno­­parkte Uly Jibek joly jár­meń­kesi dástúrleri saqtalyp, shyǵys baza­rynyń úlgisi qoıyl­ǵan. Tarıhı saıabaqtyń ınterak­tıvti ekspozısııasynda rekons­trýksııalyq alańdar usynylǵan. Dısko saıabaqta osy zamannyń atmosferasy saqtalǵan. Art-saıabaq aýmaǵy ınteraktıvti Arbatqa uqsas. 2015 jyldyń ataýly oqı­ǵa­lary – Qazaq handyǵynyń 550 jyl­dyǵy, Jeńistiń 70 jyldyǵy, Qa­zaqstan halqy Assambleıasynyń 20 jyldyǵy da festıvaldiń bezen­dirilýi men taqyryptyq baǵdar­la­masynda kórinis tapqan. Saıa­baq­tarda ótetin otbasyna arnal­ǵan kóptegen sheberlik saǵat­tary men ınteraktıvti oıyn-saýyq­tar merekeni jarqyn ári umy­tyl­mastaı ete túsedi. Jaras SÁDÝAQASOV.