Memlekettik qyzmetti jetildirý – zaman talaby

El Prezıdenti N.Á.Nazar­baev­tyń «Nur Otan» partııasynyń XVI sezinde saılaýaldy baǵdar­la­masy retinde jarııalaǵan Qazaq­stan­nyń damý jolyna arnalǵan bes ınstıtýttyq reformasy ha­lyq arasynda úlken qoldaý tapty. Osy reformalar aıasynda júzege asyratyn 100 naqty qadam – memleketimizdi damyǵan elderdiń úzdik otyzdyǵynyń qataryna qosatyn baǵdarlama dep bilemiz. Memleket basshysy reforma­lardy qatań birizdilikpen júze­ge asyrý qajettigin jáne onyń mem­lekettik qyzmet júıe­sin jańǵyr­týdan bastalatynyn eskertti. Iаǵnı, qazirgi zaman­ǵy, kásibı jáne avtonomııaly memlekettik apparatty qalyp­tas­tyrý – memlekettik qyzmet júıe­sin reformalaýdyń basty maqsaty. Búginde memlekettik qyzmette saıası deńgeıge táýeldilik áli de bar. Memlekettik apparat­ta bel­gili bir komandanyń qalyp­ta­sýy jemqorlyq úshin jaǵdaılar tý­ǵy­zady, tamyr-tanystyqty arttyrady, kadrlyq áleýetti tómendetedi. Sondyqtan memlekettik qyz­met­shiler korpýsyn kásibı jáne avtonomııaly etip jasaý mańyzdy mindet dep oılaımyz. Jańa reforma boıynsha memlekettik qyzmettiń karerlik modeline kóship, árbir basshy merıtokratııa qaǵıdattary negizinde tómennen bastap barlyq basqarý satylarynan ótýi tıis bolady. Osy oraıda, konkýrstyq irik­teýdiń mańyzy úlken. Bul aza­mat­tardyń memlekettik qyz­met­ke teń qol jetkizý quqyǵyn qamtama­syz etedi, básekelestik shart­taryn qoıý arqyly memleket­tik qyzmetke kásibı, bilikti mamandardy irikteýge múmkindik beredi. Dúnıejúziniń kóptegen el­derinde memlekettik qyzmetke qabyldaý birneshe bólikterden turatyn konkýrstyq irikteý prosedýralary arqyly júzege asady. Konkýrsqa qatysýshylardy aldyn ala oqýdan ótkizý, testi­leýmen birge, jazbasha jáne aýyz­­sha emtıhandar júrgizý, min­detti taǵylymdamadan ótkizý qalyp­tasqan. Osy oraıda, Memlekettik qyz­met isteri jáne sybaılas jemqor­lyqqa qarsy is-qımyl agenttiginiń róli kúsheıip, «biryńǵaı rek­rý­tıngtik ortalyqqa» aınalady, ıaǵnı barlyq memlekettik organdar úshin qyzmetkerlerdi ózi iriktep berip otyrady. Ortalyqtandyrylǵan kon­kýrstyq irikteý rásimi mem­le­kettik qyzmetke alǵash ret qabyl­da­ný­shylardy úsh satyly irikteý júıesin engizý arqyly memleket­tik qyzmetke eń adal, talant­ty, daıyndyqtan ótken azamat­tar­dy irikteýge múmkindik beredi. Tó­men­gi laýazymdarǵa kandıdat­tardy retteý jáne odan ári laýa­zym­dyq ósý iskerlik qasıetter negizinde júzege asyrylýy tıis. Iаǵnı, memlekettik organ­dar­daǵy bos laýazymdarǵa alǵash ret ornalasatyn azamattardy irikteýge agenttik tolyǵymen atsa­lysýy qajet dep sanaımyz. Atap aıtqanda, memlekettik ákim­shilik laýazymdarǵa konkýrstyq irikteý, konkýrs komıssııasyn qalyptastyrý tártibin aıqyndaý, testileý tapsyrmalaryn jetildirý boı­ynsha jumystar agenttik jáne onyń aýmaqtyq departamentteri arqyly iske asqany abzal. Bul – óz kezeginde memlekettik organ­dar­daǵy laýazymdarǵa irikteý barysynda oryn alatyn túrli sybaılas jemqorlyq faktilerin aldyn alýdyń birden-bir joly. Memlekettik qyzmet merıtokratııa qaǵıdaty negizinde barlyq azamattarǵa óz qabiletterin júzege asyrý úshin birdeı múmkindikter beriletin ádil qazaqstandyq qoǵam­nyń túp beınesine aınalady. Memlekettik qyzmetti jetil­dirý arqyly ǵana eldiń ekonomıkasy men qoǵamnyń ál-aýqatyn jaqsartýǵa qol jetkizýge bolady. Osy oraıda, agenttik jáne onyń aýmaqtyq departamentteri aldynda zor mindetter tur. Murat QARYMSAQOV, Memlekettik qyzmet isteri jáne sybaılas jemqorlyqqa qarsy is-qımyl agenttigi Qyzylorda oblystyq departamentiniń basshysy. Qyzylorda.