Aǵylshyn jigiti aıfonnyń arqasynda ajaldan aman qaldy

ASTANA. 23 mamyr. Aıfon Ulybrıtanııa azamatyn oqtan aman saqtap qaldy. Bul týraly vesti.ru habarlady. Denıel Kennedı esimdi 25 jastaǵy Ulybrıtanııa azamaty buzaqylardyń qolynan japa shege jazdady. Ol ózine tap bergen 19 jastaǵy qaskóılerdiń qarýly ekenin bilmegen. Qylmyskerlerdiń oǵynan jigitti tós qaltasyndaǵy aıfon telefony aman saqtap qaldy. Oqıǵa Ulybrıtanııanyń Ýıdnes qalasynda bolǵan. Cheshır graftyǵyndaǵy qala parkinde serýendep júrgen Denıel Kennedı sý qubyrynyń tetigin burap, búkil aýdandy tirshilik kózinen ajyratyp tastamaq bolǵan eki jasóspirimdi baıqap qalady. Kennedı buzaqylarǵa eskertý jasaıdy. Alaıda, sotqarlar jigittiń sózine ashýlanyp, oǵan tarpa bas salǵan. «Jas jigitterdiń biri meniń sózimdi tyńdap bolmastan qaltasynan jyltyraǵan bir zat alyp shyqty. Birer sekýndtan keıin jarq etken ottan kózim shaǵylysyp ketti. Áldebir kúsh keýdemdi qatty kep soqty da men qulap qaldym. Esimdi jınaǵanda ǵana buzaqylardyń maǵan qarata oq atqanyn túsindim», – deıdi bolǵan oqıǵa jaıynda Denıel Kennedı. Eki balanyń ákesi Kennedıdi tós qaltasynda turǵan telefony ajaldan alyp qalǵan. Oq týra aıfonǵa baryp tıgen eken. Osynyń arqasynda smartfon jigittiń ómirlik mańyzdy dene múshelerin aman saqtap qaldy. Jigitke oq atqan jasóspirim kóp uzamaı qolǵa tústi. Maýsym aıynda buzaqy sotqa tartylmaq. Tergeý-tekserý kezinde jergilikti bılik jelikken jas jigittiń úıiniń artyndaǵy aýlasynda jasyrylǵan qarýdy tapty. Elaman Qońyr. Derek, sýret: vesti.ru.