«Saryarqa» shırek fınaldy jeńispen bastady (vıdeo)

ASTANA. 12 naýryz. Joǵary hokkeı lıgasynyń shırek fınalyna shyqqan Qaraǵandynyń «Saryarqasy» búgin osy kezeńdegi alǵashqy oıynyn ótkizdi. «Saryarqanyń» bul syndaǵy qarsylasy Reseıdiń «Ermak» komandasy. Qaraǵandylyqtar atalǵan oıynda 3:2 esebimen jeńiske jetti. Bul týraly egemen.kz habarlady. Qaraǵandyda ótken oıynnyń 3-mınýtynda «Saryarqanyń» qorǵaýshysy Ilıa Antonovskıı komandasyn alǵa shyǵardy. Qonaqtar 11-mınýtta esepti teńestirýge múmkindik tapty. «Ermak» sapynan mergendigimen kózge túsken Aleksandr Arhıpov bolatyn. Desek te, alǵashqy kezeńde aıdyn ıeleri taǵy eki shaıba soǵyp, esepte alǵa shyqty. Úziliske bir mınýt qalǵan kezde «Saryarqa» oıynshy basymdyǵyn júzege asyryp, esepti 2:1-ge jetkizdi. Ekinshi shaıbanyń avtory – Artýr Kýzmenkov. Al arada 30 sekýnd ótkende tablodaǵy esep qaraǵandylyqtardyń paıdasyna 3:1-di kórsetip turdy. Iаǵnı, úziliske bir sekýnd qalǵan kezde Ilıa Antonovskıı dýbldiń avtory atandy. Kelesi kezeńde «Ermak» hokkeıshileri esep aıyrmasyn qysqartqanymen (Aleksandr Chıglınsev 37), odan árige shamalary jetpedi. Oıyn barysynda «Saryarqanyń» qaqpasyn Vladımır Kovach qorǵady. Al «Ermaktyń» qaqpasyn Ivan Poloshkov kúzetti. Qos komanda arasyndaǵy kelesi tartys 13 naýryzda jalǵasyn tabady. Ázirge jalpy esepte bizdiń komanda 1:0 esebimen alda keledi. Elaman Qońyr. Derek: egemen.kz. Sýret: hc-saryarka.com.