QOSTANAI. 1 qyrkúıek. Qostanaıdaǵy Dostyq úıinde Konstıtýsııanyń 20 jyldyǵy men Qazaqstan halqy assambleıasynyń 20 jyldyq merekesine arnalǵan «Birlik túni» ótti. Onda etnomádenı ortalyqtardyń barlyǵy kelýshilerge esigin aıqara ashty, dastarhan jaıyp, qonaqjaılylyq bildirdi. Bul týraly egemen.kz tilshisi habarlady.
Dostyq úıiniń tabaldyryǵynda ulttyq kostıým kıgen qyz ben jigit kelýshilerdi qarsy aldy. Kıiz úıde dastarhan jaıýly turdy. Al zalda mıkrofon qoıyldy, oǵan ár qostanaılyq baryp, qostanaılyqtardy merekemen quttyqtap, óziniń izgi tilegin bildire alady. Kelýshilerge etnomádenı ortalyqtarǵa kirip shyǵý qyzyqty boldy, olar ulttyq dastarhannan aýyz tıip, dıasporasy Qazaqstanda turyp jatqan sol ulttyń tarıhy men dástúri týraly vıktorınalarǵa jaýap bergenderdi syılyqtar kútip turdy.
Ázerbaıjan etnoortalyǵynyń «Birlik» jastar qanatynyń belsendisi Zúlfııa Nabıeva: «Ázerbaıjandar barlyq tátti taǵamdy balǵa orap jasaıdy, al ulttyq taǵamy – palaý. Palaýdy toılarda tartady, tabaqtyń ústine kesege spırt quıyp, ony tutatady. Bul ottyń nyshany», dedi. Dostyq úıindegi barlyq ulttyq ortalyqtar ózderi týraly kelýshilerge aqparat berýge tyrysty. Jurttyń ol týraly bilgisi keldi.
Qala turǵyny Maqpal Seıdahmetova: «Biz barlyq etngomádenı ortalyqtarda boldyq. Kóptegen suraqtarǵa jaýap berip, syılyq aldyq. Eń bastysy kóp nárse bildik, kóńilimiz baıyp qaldy», dedi.
Názıra Járimbetova.
Derek, sýret: egemen.kz
