QOSTANAI. 1 qyrkúıek. Qostanaı qalasynda kúzdiń alǵashqy jármeńkesi ótti. Ol qalanyń ortalyǵynda jáne taǵy da eki shaǵyn aýdanda uıymdastyryldy. Bul týraly egemen.kz tilshisi habarlady.
Jármeńkege oblystyń 16 aýdanynan dıqandar men sharýalar et, kartop, kókónis, sút jáne sút ónimderin, bal ákeldi. Sonymen qatar qalalardaǵy, Qostanaı qalasynyń ózindegi óńdeý kásiporyndary men saýda oryndary da atsalysty.
Bıylǵy kúzdiń alǵashqy jármeńkesinde 25 tonna et, 45 tonna kartop pen kókónis, 4 tonna ósimdik maıy, 17 tonna qant pen jarma jetkizildi. Sonymen qatar, qalalyqtar balyq, qus eti, jumyrtqa sekildi basqa da azyq-túlik túrlerin jármeńkeden tapty. Onyń baǵasy da qostanaılyqtarǵa búıirden qysqan daǵdarys salqynyn bildirmedi.
Qostanaı qalalyq ákimdigi aýyl sharýashylyǵy bóliminiń basshysy Ǵızat Qalenov: «Jármeńkege túsken azyq-túlikter baǵasy bazardaǵydan 20-30 paıyzdaı arzan boldy. Mysaly, sıyr eti bazarda 1200-1300 teńge turady, al jármeńkede qalalyqtar onyń kelisin 800-900 teńgeden aldy. Basqa azyq-túlik túrleri úshin de arzan baǵa belgilendi», dedi.
Aldaǵy ýaqytta jármeńke oblys ortalyǵynda yrǵaqty ótip turatyn bolady. Onda azyq-túlik túrleri de, kólemi de kóbeıe túsedi.
Názıra Járimbetova.
Derek, sýret: egemen.kz
