Qostanaılyq parashıýtshi Tatarstanda qulap, qaza tapty

QOSTANAI. 1 qyrkúıek. Qostanaıdaǵy tájirıbeli parashıýtshi qyz Evgenııa Kýketa Tatarstanda qaza tapty. Bul týraly egemen.kz tilshisi habarlady. Baqytsyz jaǵdaı "Menzelınsk" aeroklýbynda oryn aldy. 38 jasar parashıýtshi Evgenııa Kýketa tájirıbeli sportshy bolatyn. Ol sol kúni 4 myń metrlik bıiktikten sekirdi. Parashıýtshini daıyndaǵan aeroklýb qyzmetkerleriniń aıtýyna qaraǵanda, ol ushqanǵa deıin eshqandaı bógde jaǵdaı oryn almaǵan.  Qostanaılyq sportshy barlyǵyn da nusqaý boıynsha oryndaǵan, tómenge quldılaǵan kezde parashıýt ashylǵan.  Alaıda sportshy aspanda parashıýt ashylǵannan keıin bir mınýttan soń esinen tanyp qalǵan, parashıýtti basqara almaǵan.  Ol parashıýt jerge jaqyndaǵanda ǵana esin jıǵan, biraq basqarǵanmen barlyǵy da kesh edi. Ol jerge qatty qulap túsedi de, aýyr jaraqat alady. Aýrýhanadaǵy jan saqtaý bólimine túsken soń bir táýláikten keıin esin jımastan qaıtys bolady. Osy is boıynsha Tatarstanda qylmystyq is qozǵalǵan. Názıra Járimbetova. Derek, sýret: nd.kz