QOSTANAI. 1 qyrkúıek. Sybaılas jemqorlyqtyń aldyn alý úshin Memlekettik qyzmet isteri jáne sybaılas jemqorlyqqa qarsy is-qımyl agenttigi oblystyq departamenti men «Qazposhta» aksıonerlik qoǵamy obylstyq fılıalynyń basshylyǵy kelisip, sybaılas jemqorlyqqa qarsy turǵyndardar arasynda aǵartý sharalaryn oılastyrdy. Bul týraly egemen.kz tilshisi habarlady.
Bes ınstıtýsıonaldy reformany júzege asyrý jolyndaǵy «100 naqty qadamda» sybaılas jemqorlyqqa qarsy jumysty kúsheıtý týraly aıtylǵan bolatyn. Bul qoǵam dertine kúrestiń eń tıimdi túriniń biri onyń aldyn alý, zańnamalyq aǵartý jumystary bolyp tabylady. Bul oraıda Qostanaı oblystyq qyzmet isteri jáne sybaılas jemqorlyqqa qarsy is-qımyl departamenti qyzý iske kiristi.
Departament pen «Qazposhta» arasyndaǵy kelisim aıasynda sybaılastyqqa qarsy birneshe sharalar uıymdastyrylatyn boldy. Jergilikti jerderdegi azamattardyń quqy men zańdyq múddeleri taptalmaý úshin «Qazposhta» aksıonerlik qoǵamy merzimdi basylymdardyń arasyna Memlekettik qyzmet isteri jáne sybaılas jemqorlyqqa qarsy is-qımyl departamentiniń meken jaıy, telefondary (Call-center – 1494, ınformasıonnyı portal - 1494.kz, saıt -www.anticorruptionkst.kz, tel.8-7142-914-222, WhatsApp: +7-707-122-1494, Skype -DADGSPK1494) kórsetilgen paraqshalar qosyp salatyn boldy. Ol oblystaǵy 226 poshta bólimsheleriniń barlyǵyna taratylady.
«Qazposhta» aksıonerlk qoǵamy oblystyq fılıaly basshysynyń mindetin atqarýshy Shyndaýlet Moldahmetov: «Mundaı paraqshalardyń taratylýy turǵyndardyń quqyqtyq saýatyn kóterýge yqpal etedi jáne ol aldaǵy ýaqytta yrǵaqty júrgiziletin bolady», dedi.
Názıra Járimbetova.
Derek, sýret: egemen.kz
