Qaraǵandynyń týmasy Belarýste mılısııanyń basshysy boldy

QARAǴANDY. 4 sáýir. Qaraǵandy qalasynyń týmasy Belarýs memleketinde ishki ister organdary oblystyq býynynyń bastyǵy bolyp taǵaıyndaldy. Bul týraly «Narodnye vestı Vıtebska» saıtyna súıengen 365Info.kz habarlady. «Qazaqstannyń týmasy Belarýste mılısııa bastyǵy boldy. Belarýs prezıdenti Aleksandr Lýkashenko mılısııa general-maıory Vıktor Senkony Vıtebsk oblystyq atqarý komıteti ishki ister basqarmasynyń bastyǵy etip taǵaıyndady», - delingen habarlamada. General-maıor Vıktor Senko 1965 jyly Qaraǵandyda týǵan. Ol Belarýs Respýblıkasy ishki ister mınıstrliginiń akademııasyn bitirgen. 1989 jyldan ishki ister organdarynda qyzmet etedi. Jańa taǵaıyndaýǵa deıin Senko Mınsk oblystyq atqarý komıteti ishki ister basqarmasy bastyǵy bolyp istegen. «Bul sońǵy 12 jylda ǵana emes, bálkim, Vıtebsk oblystyq atqarý komıteti ishki ister basqarmasynyń barlyq tarıhynda birinshi ret basqarmasyn general-maıor shenindegi tulǵanyń basqarýy shyǵar», - dep atap kórsetedi osy oraıda saıt tilshisi. Aıqyn Nesipbaı. Derek, foto: 365Info.kz.