QOSTANAI. 1 qyrkúıek. Qostanaı oblysynyń Tótenshe jaǵdaılar departamenti apparatynyń qyzmetkerleri «Mektepke jol» atty respýblıkalyq qaıyrylymdyq aksııasyna qatysty. Aǵymdaǵy jyly áleýmettik baǵyttaǵy bul bastamasy «Balalarǵa birge kómek bereıik!» uranymen ótkizilýde. Bul týraly egemen.kz tilshisi habarlady.
Aksııanyń basty maqsaty az qamtylǵan jáne kóp balaly otbasylar, jetim balalar men ata-anasynyń qamqorlyǵynsyz qalǵan balalardyń mektepke daıyndaý isine atsalysý bolyp tabylady. Memlekettik organdardyń, ulttyq kompanııalardyń, aksıonerlik qoǵamdardyń kómeginiń arqasynda ótken jyly oblysta atalǵan sanattaǵy 190 215 balaǵa 1 mlrd.159 mln. tengeden artyq somaǵa kómek kórsetildi.
Aksııanyń áleýmettik mańyzdylyǵyn, qoǵamdyq ıgi is ekendigin eskere otyryp Departament apparatynyń qyzmetkerleri Qostanaı qalasyndaǵy №20 orta mektebiniń 8 synybynda oqıtyn Janar men Janel Tórebaevalarǵa kómek kórsetti. Olarǵa mektep quraldary men mektep formasyn alyp berdi.
Názıra Járimbetova.
Derek,, sýret: egemen.kz
