ASTANA. 6 shilde. Gollandtyq stýdentter Eındhoven ýnıversıteti janynan kún batareıalarymen júretin otbasylyq avtomobıl jasap shyqty. Bul týraly zele.ru habarlady.
Kúnnen qýat alatyn kólik Stella Lux dep atalady. Innovasııalyq tehnıka 4 adamǵa laıyqtalǵan. Stýdentter bul avtokólikti osy jyldyń qyrkúıeginde Avstralııada ótetin World Solar Challenge jarysyna qatystyrýdy josparlap otyr.
Aıta keteıik, avtomobıl saǵatyna 125 shaqyrymdy joǵarǵy jyldamdyqpen júrip ótedi. Qoraby kómir talshyǵynan jáne alıýmınııden jasalǵan. Salmaǵy 375 kılony quraıdy. Bul kólikti ónertapqyshtar buǵan deıin qurastyrylǵan Stella avtomobıliniń bazasynda jasaǵan.
Talǵat Raıymbek.
Derek, sýret: zele.ru.
