Fýtbol. Qazaqstan kýbogy. Jartylaı fınaldyq juptar belgili boldy

ASTANA. Fýtboldan Qazaqstan kýbogynyń jartylaı fınaly úshin jerebe tartý rásimi ótip, qarsylastar belgili boldy. Bul týraly Qazaqstan fýtbol federasııasynyń baspasóz qyzmetine súıenip, egemen.kz habarlady. Jerebe qorytyndysyna sáıkes, atalǵan kezeńde Almatynyń «Qaıraty» Qostanaıdyń «Tobylymen» kúsh synasady. Al ekinshi jartylaı fınaldyq jupty «Aqtóbe» men «Astana» komandalary qurady. Bul satydaǵy tartys eki oıynnan turady. Alǵashqy match 2 maýsymda ótse, qarymta kezdesý 23 qyrkúıekke josparlanǵan. «Aqtóbe» men «Tobyl» birinshi oıyndaryn óz alańdarynda ótkizedi. Birinshi oıyn. 2 maýsym. «Tobyl» (Qostanaı) – «Qaırat» (Almaty). «Aqtóbe» (Aqtóbe) – «Astana» (Astana). Qarymta oıyn. 23 qyrkúıek. «Qaırat» (Almaty) – «Tobyl» (Qostanaı). «Astana» (Astana) – «Aqtóbe» (Aqtóbe). Qazaqstan kýbogynyń qazirgi ıegeri «Qaırat» komandasy ekenin aıta keteıik. El kýbogyn ıemdengen klýb ÝEFA Eýropa lıgasynyń irikteý kezeńderine qatysýǵa múmkindik alady. Elaman Qońyr. Derek: egemen.kz. Sýret: kaztrk.kz.