Pavlodarda Belarýs taýarlarynyń jármeńkesi ótedi

PAVLODAR. 1 qyrkúıek.        Pavlodarda Belarýs taýarlarynyń jármeńkesi ótedi. Bul týraly egemen.kz tilshisi habarlady. Oblys ákimi Qanat Bozymbaev pen Belarýstiń elimizdegi Tótenshe jáne ókiletti elshisi Anatolıı Nıchkasovtyń oblystyq ákimdikte ótken kezdesýinde jármeńkeniń mańyzdylyǵy aıtyldy. Eki el arasyndaǵy taýar aınalymy sońǵy jyldary 40 mıllıon AQSh dollary kólemine jetipti. О́tken jyly Pavlodardan Belarýs eline 6 myń tonna alıýmınıı jiberilgen. Al, bizge olardan mashına, azyq-túlik, tehnıkalyq jabdyqtar jetkiziledi. Mysaly,, jergilikti «Ertis-lıft» JShS-i «Mogılevmashlıft» kásipornymen birlesip, 200 lıft qurastyrsa, 42 lıft qural-jabdyqtary satyp alynǵan. Elder arasyndaǵy saýda-ekonomıkalyq yntymaqtastyqty nyǵaıtý mańyzdy. «Biz sizderden qara jáne tústi metallýrgııa ónimderin satyp alamyz. Sondaı-aq,basqa da jobalar aldaǵy josparlarda bar. Elder arasyndaǵy naryq sheńberi keń» , deıdi Anatolıı Nıchkasov. Kezdesýden soń Qanat Bozymbaev pen Belarýs elshisi yntymaqtastyq jónindegi memorandýmǵa qol qoıdy. Elshi oblysqa jasaǵan jumys sapary barysynda kásipkerlermen kezdesti, sondaı-aq «Belarýs mádenı ortalyǵy» qoǵamdyq birlestiginde boldy. Farıda Byqaı. Derek: egemen.kz Sýret: Valerıı Býgaev.