Bul máselege beı-jaı qaramaıyq

Shúkirshilik eteıik, elimizde Elbasymyzdyń salıqaly saıa­satynyń arqasynda tynysh, beıbit kún keshýdemiz. Alaıda, alań­datarlyq jaıttar kóp-aq. Solardyń biri – kóldeneń kók attylardyń eptep kóbeıip bara jatqany, erteń edáýir problema týǵyzyp júrmeı me degen oı da joq emes. Vokzaldyń mańaıynda da, saýda oryndarynda da qaptap júrgender de solar. Ondaılardyń janynda júrgen kip-kishkentaı perishtelerdi kór­gende júregiń eljireıdi. Bir joly soǵan kýá bolǵanym bar. Astana shaharyndaǵy Halyqqa qyzmet kórsetý ortalyǵynyń (HQO) al­­dyn­da jalańaıaq kámeletke tol­maǵan bir jetkinshek júr. О́t­ken-ketkennen qaıyr suraıdy. Bir kezde bala tysqary shyǵa berip edi, balanyń anasy aıaq kıimin qalqalap kıgizip jatty. Muny qalaı tú­sinýge bolady? Anasynyń oıy, ha­lyq jalańaıaq balany kórgende janashyrlyq tanytyp, nan-pulǵa tıyn-teben beredi degeni bolar, sirá?! Týǵan anasynyń balasynyń densaýlyǵyn oılaýdyń ornyna osyndaı jalǵan áreketke ózi baryp otyrsa, basqadan ne úmit, ne qaıyr? Myna, jańa zamannyń adamy nege mundaı aıarlyqqa ba­­ryp júr? О́z Otanymyzdyń aza­mattarynyń arasynan da ara­gidik ondaı kórinister kezdesip qa­latynyn joqqa shyǵara almasaq kerek. Iá, qazaq degen uly elimizdiń urpaǵy retinde jas ta bolsa, bas qalamyz Astana kelbetiniń ashylýyna siz ben biz bolyp úles qosa bilsek, nur ústine nur bolary haq! Memleket basshysy Nursultan Ábishuly Nazarbaev: «Ja­ńa Astananyń qalasy da, adamdarynyń sanasy da jańa bolsyn», – degen bolatyn. Osyǵan saı bolý bárimizge paryz dep bilemin. Atam qazaq paryzdy bilgen erteńge qaryz bolmaıdy, deıdi. Nurmahanbet AHATAEV, Astana qalasynyń turǵyny.