Astana men Almaty TMD-nyń tanymal qalalary qataryna endi

ASTANA. 23 mamyr.Travel.ru portaly reseılikterdiń 2015 jyly TMD elderi arasynda qaı qalaǵa baryp jazǵy demalysyn ótkizýge nıetti ekenin anyqtady. Atalǵan portal tipti reseı halqy eshqandaı týrıstik fırmalardyń kómeginsiz 1-maýsym men 31-tamyz aralyǵynda saıahattaıtyn qalalardyń tizimin jarııalap otyr. Bul týraly zakon.kz habarlady. TMD elderiniń ishinde alǵashqy ondyqtyń kóshin Mınski, Erevan, Baký, Kıshınev, Almaty, Kıev, Astana, Vıtebski, Bishkek jáne Odessa qalalary bastap tur. Atalǵan portaldyń málimetinshe reseılik týrıster Mınski qalasyndaǵy qonaqúıdiń bir táýligine 80 dollar tólese, Erevanda 55, Bakýde 60 dollarǵa túnep shyǵady eken. Al eń arzan qonaqúı Kıshınevta (táýligine 35 dollar) bolsa, demalýshylardyń qaltasyn qaǵatyn qymbat jatyn oryn Astana (táýligine 93 dollar) qalasyna tıesili. Sondaı-aq, portal júrgizgen saýalnama boıynsha reseılikter atalǵan qalalarda bir kúngi demalysy úshin 3 myń rýbl jumsaıtyny anyqtaldy. Aıta keteıik, týrıster TMD elderiniń ishinde Grýzııaǵa baryp qara teńizge shomylǵandy, Qyrǵyzstannyń Ystyq-kóline, Qazaqstandaǵy Býrabaı men Shymbulaqqa, Ázerbaıjandaǵy Kaspıı teńizine, Armenııanyń Sevan jáne Belorýssııadaǵy Naroch kólderine sýǵa túsip, demalǵandy unatady eken. Talǵat Raıymbek. Derek, sýret: zakon.kz.