Shymkenttegi bir mektepten shý shyqty

ASTANA. 4 sáýir. Shymkent qalasyndaǵy №12 mekteptiń muǵalimderi atalmysh bilim mekemesinde oryn alǵan zańsyz áreketterdi jarııalady. Bul týraly 365info.kz habarlady. Muǵalimderdiń aıtýlarynsha, dırektor mektepti attestasııadan ótkizý úshin ár qyzmetkerdiń aılyǵynyń 30 paıyzyn alǵan. Mekeme basshysy ustazdardan bastap, eden tazalaýshylarǵa deıingi júzshaqty adamnan alynǵan komıssııanyń qolyna ustatady. Biraq komıssııaǵa qyrýar qarjy berilgenine qaramastan, mektep attestasııadan ótpeı qalady. Tekserýshiler álgi aqshany azsynǵan sekildi. Jalpy, júzdeı qyzmetkerden 2 mln.-ǵa jýyq teńge jınalypty. Endi muǵalimder aqshany ózderine qaıtaryp berýdi talap etýde. Osy jaǵdaıattan keıin ujym ekige jarylǵan. Olardyń bir toby mektep basshysyn jaqtap otyr. Al dırektor buǵan baılanysty túsinik berýden bas tartqan. Aıta keteıik, mekteptegi óreskel áreketti dáleldeıtin, ıaǵnı dırektordyń aqsha jınaǵanyn rastaıtyn beınematerıaldar barshylyq kórinedi. Qazirgi tańda tıisti oryndar atalmysh máselege qatysty tekserý jumystaryn bastap ketti. Joldybaı Bazar. Derek, sýret: vk.com.